नगर – सामाजिक कार्यातून समाज सेवेचे व्रत जो जोपासतो, त्या कार्याला ईश्वर देखील गती देत असतो. अध्यात्मिक क्षेत्रात प्रामाणिक भावना खूप महत्वाची असते. मनापासून काम केले कि मनासारखी तीर्थयात्रा घडते. भाविकांना तीर्थयात्रा घडविणे हे एक प्रकारचे पुण्यच असते, असे प्रतिपादन बी.बी.ग्रामपंचायतीचे सरपंच दिपक गुलमोहोर यांनी केले.
नवीन वर्षाची सुरुवात भाविकांना दरवर्षी धार्मिक स्थळांना, तीर्थयात्रेला घेवून जाण्याचा उपक्रम नगर येथील सावेडी उपनगरातील साई-संघर्ष सामाजिक प्रतिष्ठान 9 वर्षापासून राबवित आहे. साई-यात्रा 2023 चा समारोप बुलढाणा जिल्ह्यातील लोणार सरोवर बी.बी.गावात करण्यात आला. याप्रसंगी सरपंच श्री.गुलमोहोर यांनी आयोजक व प्रतिष्ठानचे संस्थापक अध्यक्ष सुनिल त्र्यंबके यांचा सत्कार करण्यात आला. यावेळी ग्रामपंचायत सदस्य, विठ्ठल देवकर, गजानन काकडे, अमोल मुळे, गजानन इंदुरीया, संदिप बनकर, दिलीप चव्हाण, कृष्णा पदे, निलेश चव्हाण, तंटामुक्तीचे अध्यक्ष विठ्ठल आटोळे, शिक्षण समितीचे अध्यक्ष प्रशांत इंगळे, शंभुराजे ग्रुपचे अध्यक्ष आनंद आटोळे आदिंसह नगरचे साई-संघर्ष सामाजिक प्रतिष्ठानचे सचिव योगेश पिंपळे, आकाश त्र्यंबके, तिरमलेश पासकंटी व भाविक उपस्थित होते.
श्री.गुलमोहोर पुढे म्हणाले, या साईयात्रा व प्रतिष्ठानचे उपक्रम नगरच्या मित्रांकडून मी ऐकून होतो, ही यात्रा आमच्या गावात येणार म्हणून आयोजकांशी संपर्क साधून सेवा म्हणून आमच्या ग्रुपच्यावतीने भोजन व्यवस्था ठेवली. दर वर्षी विविध तीर्थक्षेत्राला भेटी देऊन आज आमच्या गावात नगरच्या भाविकांची सेवा करण्याची संधी मिळाली हे आमचे भाग्य समजतो.
नगरसेवक सुनिल त्र्यंबके यावेळी म्हणाले की, साईबाबांची प्रेरणा मिळाल्याने त्याच्या नावानेच प्रतिष्ठान स्थापन करुन त्यांच्या कृपेनेच ही सेवा माझ्याकडून घडवित आहेत. दरवर्षी हजारो भाविक धार्मिक, तीर्थक्षेत्री येऊन, नतमस्तक होतात, दर्शनाने आनंद मिळतो. त्यांच्या आनंदात आम्ही आमचा आनंद मानतो.
योगेश पिंपळे यांनी यात्रे विषयी माहिती देतांना सांगितले की, यावर्षी 16 ट्रॅव्हल्समधून सुमारे 800 भाविकांना श्रीक्षेत्र गजाजन महाराज यांच्या शेगांव येथील समाधी स्थळ, मंदिर तसेच श्रीक्षेत्र नागझरा आदिंसह लोणार सरोवर येथील महादेव मंदिर आदि ठिकाणी भेटी दिल्या. साई यात्रा 2023 यशस्वीरित्या पार पाडण्यासाठी अथक असे परिश्रम मोहाळे देवा, खिल्लारी साहेब, स्वप्निल वाघ, पूजा याला, देविदास डहाळे ,संगीता बार्वेकर, महेश काजळकर ,मरकड मॅडम ,गौरी दडगे ,रेश्मा पवणे महेश पंडित, खामकर, आव्हाड समस्त साईभक्त आदींनी सहकार्य केले.त्यानंतर बी.बी.गावचा वतीने सरपंच, सदस्य यांनी भाविकांना अन्नदान करुन सेवा दिल्याबद्दल योगेश पिंपळे यांनी सर्वांचे आभार मानले.
