जामखेड प्रतिनिधी
जगातील अनेक देशांमध्ये नाताळ सण साजरा केला जातो.आज रोजी राष्ट्रवादी काँग्रेस पार्टीचे नेते प्राध्यापक मधुकर राळेभात व जिल्हा उपाध्यक्ष सुरेश भोसले यांनी नाताळ निमित्त डॉ.शोभाताई आरोळे व रवि आरोळे यांच्या सह सर्व बांधवांना शुभेच्छा दिल्या.यावेळी जयेश कांबळे,आसिफ पठाण,सुल्ताना शेख आदी उपस्थित होते.
भगवान येशू ख्रिस्ताचा जन्मोत्सव असलेला हा सण जगात शांतता तसेच मनामनात सामंजस्य व सद्भावना निर्माण करण्यास सहाय्यभूत ठरेल, असा विश्वास प्रा.मधुकर राळेभात यांनी व्यक्त केला.
jamkhed| जामखेड च्या वैभवात व आरोग्यात डॉ.आरोळे दांम्पत्याचा सिंहाचा वाटा
सुरेश भोसले म्हणाले की,नाताळचा सण भगवान येशू ख्रिस्तांच्या जीवन कार्याचे स्मरण देतो. जामखेड शहरातील आरोळे नगर येथे ग्रामीण आरोग्य प्रकल्प चे संस्थापक अध्यक्ष डॉ.रजनीकांत आरोळे व डॉ.मेबल आरोळे यांनी jamkhed जामखेड शहरासह तालुका व जिल्ह्यातील नागरिकांना आरोग्याच्या समस्या सोडविण्यासाठी प्रयत्न केले.त्यांचा वारसा आज डॉ.शोभाताई आरोळे व रवि आरोळे यांच्या माध्यमातून विविध शिबिर आयोजित करण्यात येत असून रुग्णांना मोफत वैद्यकीय सेवा उपलब्ध करून देतात.कोरोना काळात विशेष योगदान दिले आहे.
Table of Contents
पुढे बोलताना प्रा मधुकर राळेभात म्हणाले की, डॉ.रजनीकांत आरोळे व डॉ.मेबल आरोळे यांनी jamkhed जामखेड येथे १९६९ पासून आरोग्य सेवा व जन सेवा लोकार्पण केली.तसेच जामखेड तालुक्यातील गोरगरीब जनतेला आरोग्याच्या वेगवेगळ्या समस्या विषयी खेडोपाडी जाऊन ज्ञान देण्याचे व आरोग्य शिक्षण देण्याचे काम केले तर डॉ.शोभाताई आरोळे व डॉ.रवि आरोळे यांनी आजपर्यंत आपल्या आई वडील यांचा वारसा जपत जामखेड ची सेवा करत आहेत.जामखेड च्या वैभवात व आरोग्यात डॉ.आरोळे दांम्पत्याचा सिंहाचा वाटा आहे.
