pune पुणे पुन्हा हादरले
पुणे Pune जेजुरी (ता. पुरंदर) येथील माजी नगरसेवक मेहबूब पानसरे यांची शुक्रवारी सायंकाळी जमिनीच्या वादातून कोयता आणि कुऱ्हाडीने वार करून हत्या करण्यात आली. हत्येमध्ये पाच ते सहा आरोपींचा सहभाग असून, जेजुरी पोलिस ठाण्यात रात्री उशिरापर्यंत गुन्हा दाखल करण्याचे काम सुरू होते.
पोलिसांनी दिलेल्या माहितीनुसार, पानसरे यांनी Pune जेजुरीजवळील नाझरे धरणाच्या परिसरात धालेवाडी येथे जमीन खरेदी केली होती. मात्र, जमिनीसंदर्भात वाद सुरू होते. त्यातच शुक्रवारी ते धालेवाडीत गेले असता, पाच ते सहा जणांनी त्यांच्यावर कोयता आणि कुऱ्हाडीने वार केले. त्यानंतर पानसरे रक्ताच्या थारोळ्यात कोसळले. हल्ल्याची माहिती कळताच स्थानिक नागरिकांनी त्यांना जेजुरीतील रुग्णालयात दाखल केले. मात्र, गंभीर जखमी असल्याने त्यांना पुढील उपचारासाठी पुणे येथील खासगी रुग्णालयात दाखल करण्यात आले. तेथे उपचारादरम्यान रात्री त्यांचा मृत्यू झाला. पानसरे राष्ट्रवादी काँग्रेसचे माजी नगरसेवक होते; तसेच, व्यावसायिक म्हणूनही त्यांचा नावलौकिक होता. अधिक तपास जेजुरी पोलिस करीत आहेत.
या प्रकरणात पोलिसांनी पाच जणांविरोधात गुन्हा दाखल केला आहे. वनेश प्रल्हाद परदेशी, किरण वनेश परदेशी, स्वामी वनेश परदेशी यांच्यावर संशयित म्हणून गुन्हा दाखल केला आहे. नाझरे परिसरात पानसरे यांची शेती आहे. त्यांच्या शेतात मशागतीचे काम.सुरू होते. त्याचवेळी परदेशी आणि पानसरे यांच्या जमिनीवरून वाद झाले. हे वाद इतके विकोपाला गेले की परदेशी आणि त्यांच्या दोन मुलांनी मेहबूब पानसरे यांच्यावर कोयता आणि कुऱ्हाडीने हल्ला चढवला. उपचारासाठी त्यांना तातडीने पुण्यातील Pune खाजगी रुगणायत दाखल करण्यात आले होते. मात्र घाव जिव्हारी लागल्याने त्यांचा उपचारादरम्यान मृत्यू झाला. या घटनेनंतर त्यांच्या स्थानिक कार्यकर्त्यांत खळबळ उडाली आहे.
पोलिसांनी पाच जणांविरोधात गुन्हा दाखल केला आहे. या प्रकरणी अधिक तपास जेजुरी पोलिस करत आहेत. या घटनेमुळं जेजुरीतील राष्ट्रवादीला धक्का बसला आहे.
