जामखेड प्रतिनिधी –
जामखेड jamkhed शहरातील तपनेश्वर भागातील नृत्यांगना दिपाली गोकुळ पाटील (वय 35, मूळ कल्याण) यांनी गुरुवारी सकाळी खर्डा रोडवरील “साई लॉज” च्या रूममध्ये गळफास घेऊन आत्महत्या केल्याची दुर्दैवी घटना घडली.
jamkhed | जामखेड हादरले नृत्यांगना महिलेची गळफास घेऊन लॉजमध्ये आत्महत्या
दिपाली जामखेडमधील jamkhed एका कलाकेंद्रात नृत्यांगना म्हणून कार्यरत होती व आपल्या काही मैत्रिणींसह तपनेश्वर भागात राहात होती.सकाळी बाजारात जाऊन येते असे सांगून दिपाली घराबाहेर पडली. मात्र दुपारनंतरही ती परत न आल्याने व तिचा फोन बंद असल्याने मैत्रिणी चिंतेत पडल्या. त्यांनी शोधाशोध केली असता, दिपालीला सोडणाऱ्या रिक्शाचालकाने तिला खर्डा रोडवरील “साई लॉज”मध्ये उतरल्याचे सांगितले.संध्याकाळी साडेपाच वाजता मैत्रिणी लॉजमध्ये पोहोचल्या असता रूम आतून लॉक होती.
वेटरच्या मदतीने डुप्लिकेट चावीने दरवाजा उघडण्यात आला असता, दिपाली पंख्याला गळफास घेतलेल्या अवस्थेत आढळून आली. तत्काळ पोलिसांना माहिती देण्यात आली.जामखेड पोलीस स्टेशनमध्ये अकस्मात मृत्यूची नोंद करण्यात आली असून, पोलीस निरीक्षक दशरथ चौधरी यांच्या मार्गदर्शनाखाली पुढील तपास सुरू आहे. आत्महत्यामागचे नेमके कारण अद्याप समोर आलेले नाही. मैत्रीण हर्षदा रविंद्र कामठे यांच्या तक्रारीवरून प्रकरणाची नोंद घेतली आहे.
जामखेड jamkhed परिसरात ही घटना मोठ्या चर्चेचा विषय ठरली आहे. नागरिकांमध्ये हत्या की आत्महत्या याबाबत प्रश्नचिन्ह उपस्थित होत आहेत. परिसरात वाढत चाललेली गुन्हेगारी,
Table of Contents
अवैध लॉजिंगची वाढ आणि अशा ठिकाणांवरील निर्बंधित कार्यवाही याबाबत नागरिकांनी पोलिस प्रशासनाने कडक पावले उचलावीत, अशी मागणी केली आहे. या प्रकरणाची सखोल चौकशी होणे अत्यावश्यक ठरले आहे.
