महालोकवाणी न्यूज:-नगर शहर प्रतिनिधी -विजय मते
नगर – देव हा भक्ताचा भाव पाहून प्रसन्न होत असतो, पंढरीची वारी करणारा वारकरी अंत:करणापासून विठ्ठलाचे नाम घेत चालतो. एखादी वारी जरी चुकली तरी तो वारकरी अस्वस्थ होत असतो. भाविकांचे मनोरथ पूर्ण करणारा पांडूरंग हा भक्तांच्या पाठिमागे आहे. अशा या भक्त आणि भगवंताच नात अतुट असावं, असे प्रतिपादन नगर भाजपाचे शहर जिल्हाध्यक्ष महेंद्र गंधे यांनी केले.
नगर-औरंगाबाद रोडवरील अर्बन बँक कॉलनीमधील हौशी विठोबा मंदिराचा 26 वा वर्धापनदिन मोठ्या भक्तीमय वातावरणात साजरा करण्यात आला. यावेळी श्री विठ्ठल-रुख्मिणी मूर्तीची पुजा करुन श्री.गंधे यांच्या हस्ते महाआरती करण्यात आली. याप्रसंगी माजी नगरसेविका संगिता खरमाळे, माजी नगरसेवक निखिल वारे, नगरसेविका ज्योती गाडे, अमोल गाडे, योगीराज गाडे, प्रशांत खांडकेकर, एन.डी.कुलकर्णी, श्रीकांत निंबाळकर, मनोज पारखे, आशिष ब्रह्मे आदि मान्यवर उपस्थित होते.
श्री.गंधे पुढे म्हणाले, जोशी परिवाराने मंदिराविषयी व मूर्ती प्रतिष्ठापना बाबत स्वप्नातील दृष्टांत मला कथन केला. तो ऐकल्याने त्यांचे व विठ्ठल-रुख्मिणी बाबत असलेली भक्ती किती अतुट आहे हे समजते. मंदिर बांधण्याचा विठ्ठलाने दिलेला दृष्टांत प्रत्यक्षात अंमलात आणला. या मंदिरामुळे कॉलनीतील भाविकांना दर्शनासह, एकादशी आषाढी वारीला दिंडीतील वारकर्यांची सेवा होत आहे. यामुळे या हौशी विठोबाची ख्याती जिल्ह्यात होत असल्याचे त्यांनी सांगितले.
या 26 व्या वर्धापनदिनाला ढवळपुरी (पारनेर) येथील स्वराली जाधव या 8 वी मध्ये शिकत असलेल्या गायिकेने सहकार्यांबरोबर सुंदर भक्तीगीते सादर केली. भाविकांनी तिचे कौतुक केले. कॉलनीच्यावतीने तिचा सत्कार करण्यात आला.
आश्विनी अध्यापक यांच्यावतीने भाविकांना महाप्रसादाचे वाटप करण्यात आले. कार्यक्रम यशस्वीतेसाठी अनंत जोशी, प्रविण डोक्रस, धनंजय जोशी, आदिनाथ जोशी, विश्वनाथ जोशी, भार्गव जोशी, संदिप यादव, रुपेश यादव यांनी परिश्रम घेतले. सर्व भाविकांचे अभिजित व प्रज्ञा जोशी दाम्पत्यांनी आभार मानले.
