गोरगरीब, वंचित,अनाथांची सेवा करणे हाच उद्देश – प्रा.कैलास माने सर
जामखेड प्रतिनिधि :- धनराज पवार
महाराष्ट्र राज्याचे मुख्यमंत्री ना.एकनाथरावजी शिंदे यांच्या वाढदिवसा निमित्त बाळासाहेबांची शिवसेना जामखेड तालुका यांच्या वतीने विविध कार्यक्रमाचे आयोजन करण्यात आले आहे.
यावेळी बोलताना तालुका प्रमुख प्रा. कैलास माने म्हणाले,अनाथांचे नाथ या युक्तिप्रमाणे मुख्यमंत्री नामदार एकनाथरावजी शिंदे यांच्या वाढदिवसा निमित्त गोरगरीब, वंचित,अनाथांची सेवा करणे हाच उद्देश आहे.
वाढदिवसानिमित्त भव्य रक्तदान शिबीर, ग्रामीण रुग्णालयात रुग्णांना फळे वाटप ,निवारा बालगृह येथे औषधे किट वाटप,मदरसा येथे अन्नधान्य वाटप करण्यात येणार आहे, प्रत्येक रक्तदात्याला गिफ्ट स्वरूपात हेडफोन टिफिन बॉक्स व ट्रॅक सूट देण्यात येणार आहेत
हे भव्य रक्तदान शिबीर हे शहरातील महावीर भवन येथे सकाळी १० .०० पासून सायं – ४ .०० वा. पर्यंत आयोजित केले आहे. तरी जामखेड शहर व तालुक्यातील कार्यकर्ते व नागरिकांनी मोठ्या संख्येने उपस्थित राहून रक्तदान करावे असे आवाहन बाळासाहेबां ची शिवसेना जामखेड तालुका यांच्या वतीने करण्यात आले
