महालोकवाणी न्यूज:-
जामखेड प्रतिनिधि:- धनराज पवार दि. ८/२/२०२३
सालाबादाप्रमाणे या वर्षी श्री संत शिरोमणी नरहरी महाराज युवा मंच, जामखेड सराफ व सुवर्णकार असोशिएसन तालुका सोनार समाज यांच्या वतीने श्री संत शिरोमणी नरहरी महाराज यांची ७३७ वी पुण्यतिथी उत्साहात साजरी करण्यात आली.
श्री संत नरहरी महाराज यांच्या प्रतिमेचे पूजन करुन पुष्पवृष्टी व गुलालाची उधळ्ण करत सकाळी १०.०० वाजता श्री विठ्ठल रुक्मिणी मंदिर येथून भजन करत टाळ, मृदूंग व पखवाज च्या गजरात हरिनामाचा गजर करत छत्रपती शिवाजी महाराज पेठ,जयहिंद चौक, बिड रोड कॉर्नर, तहसिल रोड, कोर्ट रोड,सोनार गल्ली,गढी,महादेव गल्ली पर्यंत प्रतिमा मिरवणुक काढण्यात आली. “श्री संत शिरोमणी नरहरी महाराज की जय घोषात ‘ जामखेड शहर दूमदुमुन गेले.यामध्ये जेष्ठ मंडळी , पुरुष, महिला व तरुण मोठ्या संख्येने मिरणुकीत सहभागी झाले होते.
मिरवणुकी नंतर श्री विठ्ठल रुक्मिणी मंदिरात किर्तन झाले तसेच उपस्थित समाजबांधवांनी भजन गाऊन महाराजांच्या प्रतिमेस अभिवादन केले.
याप्रसंगी हभप पंढरीनाथ राजगुरु ( महाराज) ,हभप विजयकुमार बागडे सर ( महाराज) ,नगरसेवक अमित चिंतामणी , मोहन ढाळे, मदन कुलथे,सुमित खांडविकर, सुधाकर वेदपाठक,गणेश वेदपाठक,नितिन मैड,विशाल टाक,योगेश कुलथे,संकेत ढाळे, निखिल कुलथे,राहुल शहाणे,मयुर आदापुरे, अंकुश आदापुरे, अर्जुन ढाळे,विशाल वेदपाठक, प्रविण बेदरे,राजेंद्र कुलथे,तुकाराम कुलथे,किरण महामुनी,शंतनु महामुनी,सुरज रुळसमुद्र तसेच अनेक समाज बांधव मोठ्या संख्येने उपस्थित होते
