जामखेड प्रतिनिधि :- धनराज पवार
जामखेडचे माजी सरपंच स्व. महादेव (आप्पा) राळेभात पा. यांच्या १३ व्या पुण्यस्मरण दिनानिमित्त जामखेड तालुक्यातील साकत येथील श्री शिवप्रतिष्ठाणचे श्री साकेश्वर गोशाळेत सकाळी ८:०० वाजता
स्व.महादेव (आप्पा) राळेभात पा. यांच्या प्रतिमेचे पुजन करुन अभिवादन करण्यात आले. तसेच शहाजी (काका)
शाहूराव राळेभात व बापू देशपांडे यांच्या हस्ते चारा वाटप करण्यात आला.
यावेळी बोलतांना पांडुरंग भोसले म्हणाले, जिवनामध्ये माणुस हा कार्याने मोठा होत असतो,असेच अनमोल कार्य स्वर्गीय महादेव (आप्पा) राळेभात यांनी जामखेड ग्रामपंचायत चे सरपंच असताना केले.त्यांनी शेतकरी, कष्टकरी, वंचित घटकांना न्याय देण्याची भुमिका ठाम असायची तसेच त्यांचे कार्याची दखल तालुका,जिल्हा या ठिकाणी नाव जरी घेतले जामखेडचे भुषण म्हणून त्यांच्या कार्याची ओळ्ख होती.
यावेळी पवन राळेभात म्हणाले की, आमचे वडील स्वर्गीय महादेव ( आप्पा) राळेभात यांचे नाव घेताच त्यांनी केलेल्या कार्य लोक सांगतात व त्याच कार्याचा वसा घेत आज रोजी त्यांच्या पुण्यस्मरणार्थ गो शाळेत गायींना हिरवा चारा वाटप केला असून श्री शिव प्रतिष्ठान चे प्रथमत: मनस्वी आभारी आहे की,त्यांनी गो सेवा ही ईश्वर सेवा हे ध्येय उराशी बाळगुन सुंदर गोशाळा चालवत आहे.
याप्रसंगी शहाजी (काका) शाहूराव राळेभात, बाप्पू साहेब देशपांडे, दादासाहेब रिटे, नगरसेवक मोहन पवार, शिवप्रतिष्ठान चे पांडूरंग भोसले, पवन राळेभात, प्रवीण उगले, संदीप गायकवाड, विशाल बारवकर, बंडू राळेभात, शिवाजी येवले, संदेश राळेभात, सुधीर पवार, सुरज राळेभात आदी उपस्थित होते.आज रोजी विविध कार्यक्रमांचे आयोजन करण्यात आले असुन. यामुळे स्व. महादेव आप्पांच्या कार्याचे जामखेडकरांना पुन्हा एकदा आठवण होणार आहे.
या कार्यक्रमाचे आयोजन राष्ट्रवादी काँग्रेसचे नेते प्रा. मधुकर राळेभात व नगरसेवक पवन महादेव राळेभात यांनी केले आहे.
