महालोकवाणी न्यूज:
जामखेड प्रतिनिधि: धनराज पवार
रत्नागिरी येथील पत्रकार शशिकांत वारीशे यांची हत्या करणाऱ्या आरोपीची फास्ट ट्रॅक चौकशी करण्यात यावी
याबाबत सविस्तर माहिती अशी की,रत्नागिरी येथील पत्रकार शशिकांत वारीशे यांच्यावर दि.०६/०२/२०२३ रोजी दु. ०१.०० वाजता राजापूर महामार्गावरील पेट्रोल पंपा जवळ यांच्या अंगावर गाडी घालून हत्या करण्यात आली होती. यामध्ये संशयित असलेले आरोपी पंढरीनाथ अंबरकर यांना अटक झालेली असुन या गुन्ह्याची चौकशी फास्ट ट्रॅकने करण्यात यावी व त्यांना लवकरात लवकर शिक्षा देण्यात यावी.
माजी सरपंच गफ्फारभाई पठाण यांनी दिलेल्या या निवेदनामध्ये म्हटले आहे की,वारंवार होणाऱ्या पत्रकारांच्या हत्या सतत होणारे हल्ले याची शासन स्तरावर योग्य दखल घेण्यात यावी. या घटनेचा निषेध करत तहसिल कार्यालय व जामखेड पोलीस स्टेशन येथे आज रोजी पाटोदा गरडाचे येथील सामाजिक कार्यकर्ते तथा धडाडीचे माजी सरपंच गफ्फारभाई पठाण यांच्या वतीने निवेदन देण्यात आले.
याप्रसंगी विविध कार्यकारी सोसायटी संचालक अन्सारभाई पठाण,भाजपा युवा मोर्चा शहर उपाध्यक्ष बाबासाहेब फुलमाळी,लहुजी शक्ति सेना जामखेड तालुका अध्यक्ष पोपट फुले, मुस्लिम विकास परिषद ,पाटोदा (ग) अध्यक्ष खालेद पठाण,केदार वाबळे,रमजान सय्यद,अंबादास पवार,आरकम सय्यद,राजु भवर आदी उपस्थित होते.
