महालोकवाणी न्यूज:
बीड, 22 फेब्रु : पुतण्याच्या लग्नासाठी दोन सावकारांकडून दहा टक्के व्याजदराने तीन लाख रुपये खाजगी सावकाराकडून घेण्यात आले होते. दरम्यान व्याजाच्या रकमेच्या मोबदल्यात सावकारांनी घर नावावर करण्याचा वादा केला होता. दरम्यान हे घर नावावर करण्यासाठी टाकलेल्या दबावामुळे श्यामकुमार भाऊराव काळे (43) यांनी चालत्या वाहनातून उतरून अंगावर पेट्रोल ओतून पेटवून घेतल्याची घटना बीडच्या (BEED) केज शहरात उघडकीस आली होती.
मात्र मागील 12 दिवसांपासून त्यांनी आताच पैसे दे म्हणून श्यामकुमार काळे यांच्याकडे तगादा लावत शिवीगाळ करीत मारहाणीच्या धमक्या दिल्या होत्या. यानंतर 18 फेब्रुवारी रोजी नोटरीवर बळजबरीने काळे यांची सही घेत घर विक्री केल्याचे लिहून घेतले होते. त्यानंतर काळे हे तणावात होते.
या घटनेत 80 टक्के भाजल्याने प्रयोगशाळा सहायक श्यामकुमार भाऊराव काळे यांचा अंबाजोगाई येथील स्वाराती रुग्णालयात उपचारा दरम्यान मृत्यू झाला. याप्रकरणी तिन सावकारांवर केज पोलिसांत गुन्हा दाखल झाला आहे.
उस्मानाबाद जिल्ह्यातील कळंब येथील मोहेकर महाविद्यालयातील प्रयोगशाळा सहायक श्यामकुमार भाऊराव काळे (43) यांनी पुतण्याच्या लग्नासाठी दादा मुंडे व सचिन सलगर (दोघे रा. कळंब) या सावकारांकडून टक्के व्याजदराने 24 जानेवारी 2023 रोजी 3 लाख रुपये घेतले होते. त्यानंतर पैशाच्या मोबदल्यात त्यांनी श्यामकुमार काळे यांच्याकडून सावकाराचा पार्टनर विजय जावळे यांच्या विकास नावाच्या मुलाच्या नावे दोन चेक घेतले.
