पाथर्डी प्रतिनिधी – सोमराज बडे
पाथर्डी शहरातील नदीच्या काठावर पुरातन काळापासून असलेलें तिर्थक्षेत्र खोलेश्वर येथे प्रशासनाने चुकिच्या पध्दतीने सुरु असलेल्या व झालेल्या सर्व कामांची चौकशी होवुन तसेच चुकिच्या पध्दतीने खर्च झालेल्या निधिची वसुली संबंधीताकडून करावी.तसेच या कामाशी संबंधीत सर्व भ्रष्ट अधिकारी व कर्मचारी यांच्यावर गुन्हे दाखल होण्यासाठी पाथर्डी नगरपरिषदे समोर(वीर सावरकर मैदान) पाथर्डी, जि. अहमदनगर या ठिकाणी बुधवार दि.२२/०२/२०२३ आज सकाळी ११.०० वा.पासून मुकुंद भास्कराव गर्जे यांनी आमरण उपोषण करण्यास सुरुवात केली आहे.
जो पर्यंत या झालेल्या कामाची सखोल चौकशी करून याच्याशी संबंधित अधिकारी, लोकप्रतिनिधी यांच्यावर गुन्हा दाखल होत नाही तोपर्यंत आपण हे उपोषण मागे घेणार नसल्याचा निर्धार आपण केला आहे असे सामाजिक कार्यकर्ते मुकुंद गर्जे व यांनी बोलतांना आपली भूमिका व्यक्त केली आहे. दरम्यान गर्जे यांनी पाथर्डी नगरपरिषद कडे यापूर्वी नदीपात्रात गटार बांधण्याच्या कामाची चौकशी करण्यात यावी म्हणून निवेदनही दिले होते.
परंतु त्याची दखल न घेतल्याने गर्जे यांनी पुन्हा एकदा ३१जानेवारी रोजी या चुकीच्या पद्धतीने केलेल्या व झलेल्या कामाची चौकशी करून १५फेब्रुवारी पर्यंत संबधित अधिकारी यांचेवर फौजदारी गुन्हा दाखल करण्यात यावा अन्यथा आपण २२फेब्रुवारी पासून आमरण उपोषण सुरू करनार असल्याचे निवेदन पाथर्डी नगर परिषद मुख्याधिकारी यांना दिले होते. परंतु त्यावर काहीच कारवाई करण्यात आली नाही. त्यामुळे नाईविलाजाने आपल्याला अन्न, पाणी त्याग करून हे उपोषण करावे लागत आहे
