ह.भ.प कांताताई सोनटक्के (महाराज) यांची प्रमुख उपस्थिती
जामखेड प्रतिनिधी: धनराज पवार
जागतिक महिला दिनाचे औचित्य साधून ग्रामीण विकास केंद्र संचालित निवारा बालगृह जामखेड आयोजित 8 मार्च रोजी सकाळी 10.30 वाजता निवारा बालगृह,मोहा फाटा,जामखेड येथे माहिला प्रबोधन आयोजित मेळावा चे आयोजन करण्यात आले.
अदिशक्तीचे रुप असलेल्या स्त्रीयांमध्ये सर्व विश्व सामावले आहे. स्त्रीयांमुळेच विश्वाची निर्मिती झाली आहे. अशा या स्त्रीत्वाचा गौरव व्हावा यासाठी महिला प्रबोधन मेळावा कार्यक्रमामध्ये कायदे, आरोग्य, आहार, बेटी बचाओ, बेटी पढाओ व्याख्यान व जनजागृती व विविध विषयांवर हभप कांताताई सोनटक्के महाराज (भवरवाडी) यांचे मार्गदर्शन महिलांना लाभणार आहे. तसेच निराधार महिलांना शिलाई मशिन,पिठाची गिरणी देण्यात येणार आहे.
या कार्यक्रमाच्या अध्यक्षा ह.भ.प कांताताई सोनटक्के ( महाराज) भवरवाडी राहणार असून त्या माहिलांना मार्गदर्शन करणार आहेत.प्रमुख पाहुणे जामखेड पोलीस स्टेशन चे नवनिर्वाचित पोलीस निरीक्षक महेश पाटील, महावितरण चे उपकार्यकारी अभियंता योगेश कासलीवाल ,ग्रामीण विकास केंद्र चे संस्थापक अँड डाँ अरुण जाधव,तालुका कृषि अधिकारी राजेंद्र सुपेकर, संचालक बापुसाहेब ओहोळ,तलाठी प्रशांत दराडे,ग्रामसेवक प्रशांत सातपुते उपस्थित राहणार आहेत.
या मेळाव्यास जास्तीत जास्त महिलांनी उपस्थित राहण्याचे आवाहन करण्यात आले आहे.
