महालोकवाणी न्यूज:
जामखेड प्रतिनिधी: धनराज पवार
आज दि.11.03.2023 रोजी बारामती येथे देशाचे केंद्रीय मंत्री नामदार नितीन गडकरी आले असता, आज रोजी जामखेड व्यापारी असोसिएशनच्या वतीने जामखेड मधून जाणारा राष्ट्रीय महामार्गाच्या कामासंदर्भात निवेदन देण्यात आले.
यावेळी देशाचे नेते माजी केंद्रीय कृषि मंत्री आदरणीय खा.शरदचंद्रजी पवार, राज्याचे माजी उपमुख्यमंत्री व विरोधी पक्षनेते ना.अजित पवार, खासदार सुप्रियाताई सुळे, आपले लोकप्रिय आमदार रोहित पवार यांच्यासमवेत जामखेड व्यापारी असोसिएशन तर्फे निवेदन देताना राजेंद्र कोठारी सरचिटणीस महाराष्ट्र प्रदेश राष्ट्रवादी काँग्रेस, ज्येष्ठ नेते अशोक शिंगवी, माजी जिल्हा परिषद सदस्य मधुकर राळेभात, जेष्ठ नेते सुरेश भोसले, व्यापारी महासंघाचे ज्येष्ठ नेते अशोक चोरडिया, अजय कोठारी, सिव्हिल इंजिनियर मोसम बोगावत, पिंटूशेठ बोरा, बंडूशेठ छाजेड, सुनील उगले इतर सर्व व्यापारी असोसिएशनचे कार्यकर्ते उपस्थित होते.
यावेळी बोलताना केंद्रीय वाहतुक दळणवळण मंत्री नामदार नितीन गडकरी म्हणाले की मी कुठल्याही व्यापाऱ्यावर अन्याय होवू देणार नाही, मी आमदार रोहित पवारांशी चर्चा करून योग्य तो निर्णय घेऊन संबंधितांना आदेश देतो. असे आश्वासन या नामदार नितीन गडकरी यांनी दिले. यावेळी जामखेड व्यापारी असोसिएशन च्या सर्व व्यापारी बांधवांनी माजी केंद्रीय कृषि मंत्री तथा खा.शरदचंद्र पवार व आमदार रोहित पवार या सर्वांचे आभार मानले .
