जामखेड प्रतिनिधी धनराज पवार
आमदार रोहित पवार नेहमीच कोणत्या ना कोणत्या प्रसंगात गरजूंना मदत करत असतात. अडचणीच्या काळामध्ये मग तो मनुष्य असेल अथवा पशु पक्षी प्राणी त्याच्या मदतीला तात्काळ धावून जाणे हा रोहित पवार यांचा स्वभावच आहे. असाच एक अनुभव आज कर्जत जामखेडच्या दौऱ्यावर असताना आला. जाळ्यात अडकलेल्या पक्षाची त्यांनी सूटका केली.
कर्जत-जामखेड मतदारसंघाच्या दौऱ्यावर असताना कर्जत तालुक्यातील वांबोरी येथे जाताना अचानक एक साळुंकी पक्षी जाळ्यात अडकला असल्याचं आमदार रोहित पवार यांच्या निदर्शनास आल. त्यांनी आपला ताफा जागीच थांबवला व सहकाऱ्यांच्या मदतीने थेट त्या पक्षाजवळ जाऊन त्याला तात्काळ आपल्या दोन्ही हातात उचलून घेतले. स्वतः हातात कात्री घेऊन जाळ्याचे दोर रोहित पवार यांनी स्वतः कापून त्या पक्षाची सुटका केली.
त्याच्या पंखात पायात अडकलेले जाळ्याचे दोर काळजीपूर्वक तपासले व दोन्ही हाताने त्या पक्षाला आकाशाच्या दिशेने उंच सोडले. पक्षी हवेत सोडतात त्याने उंच भरारी घेतली व निसर्गाच्या सानिध्यात मुक्त आनंद घेत मोकळा श्वास घेतला. त्याची सुटका केल्याचं समाधान सर्वांच्या चेहऱ्यावर दिसून येत होत.
भूतदयेचा एक वेगळा अनुभव या माध्यमातून पाहायला मिळाला, पशूपक्षांबद्दल आमदार रोहित पवार यांचे प्रेम या माध्यमातून पाहायला मिळाले.
निसर्ग सानिध्यात मुक्त संचार करणारे अनेक पक्षी यांची शिकार केली जाते. शिकार करणारे शिकारी डोंगरदऱ्यामध्ये मोकळ्या रानामध्ये झाडाझुडपांना जाळे अडकवतात बिचारे पक्षी त्या जाळ्यात अडकतात अडकलेल्या पक्षांना हे शिकारी एक तर त्यांची हत्या करून त्यांचे मांस भक्षण करतात. किंवा बाजारात आणून त्यांची खुलेआम विक्री करतात. त्यामुळे अनेक पक्षी नामशेष होण्याची भीती निर्माण होत आहे.
