सिल्लोड येथे होणार राज्यस्तरीय सांस्कृतिक महोत्सवाचे आयोजन
निवृत्ती महाराज इंदोरीकर,अजय – अतुल, अभिनेता प्रसाद ओक सह अभिनेत्री सोनाली कुलकर्णी लावणार हजेरी
शहरातील नगर परिषद प्रशालेच्या मैदानावर सिल्लोड महोत्सव अंतर्गत सांस्कृतिक कार्यक्रम होणार आहे. त्याअनुषंगाने येथे व्यासपीठ व मंडप उभारणीच्या कामाला कृषिमंत्री अब्दुल सत्तार यांच्याहस्ते भूमीपूजन करून या कामाला सुरुवात करण्यात आले आहे. कृषिमंत्री अब्दुल सत्तार यांच्या संकल्पनेतून येत्या 1 जानेवारी पासून सिल्लोड येथे ‘ राज्यस्तरीय सिल्लोड महोत्सव 2023 ‘ चे आयोजन करण्यात आले आहे. या महोत्सवात कृषी, कला आणि सांस्कृतिक कार्यक्रमांचा समावेश असणार आहे.
सिल्लोड महोत्सव अंतर्गत नगर परिषद प्रशालेच्या मैदानात सर्व सांस्कृतिक कार्यक्रम होणार आहे. प्रसिद्ध संगीतकार व गायक, अजय – अतुल, आदर्श शिंदे, वैशाली सामंत, अवधूत गुप्ते आदी कलाकार याच मैदानावर आपले सादरीकरण करणार असून प्रसिद्ध कीर्तनकार निवृत्ती महाराज इंदोरीकर यांचे कीर्तन या ठिकाणी होणार आहे. यासह चला हवा येऊ द्या, फु बाई फु, महाराष्ट्राची हास्य जत्रा तसेच चांद कादरी व छोटी तमन्ना यांच्या कव्वालीचा मुकाबला आणि मुशयरा या ठिकाणी पहायला मिळणार आहे. या कार्यक्रमास प्रसिद्ध अभिनेता प्रसाद ओक, अभिनेत्री सोनाली कुलकर्णी, माधुरी पवार, मानसी नाईक यांच्यासह कॉमेडीयन सुनील ग्रोवर, जावेद अली हे कलाकार उपस्थित राहणार आहेत.
आतापर्यंतच्या इतिहासात इतका भव्य स्वरूपाचा महोत्सव पहिल्यांदा होणार आहे. या कार्यक्रमाचा लाभ घेण्याचे अवाहन मंत्री अब्दुल सत्तार यांनी केले आहे. यावेळी उपनगराध्यक्ष अब्दुल समीर, स्वराजचे संचालक प्रमोद सरकटे, स्वराज सरकटे, जि.प. माजी अध्यक्ष श्रीराम महाजन, जिल्हा बँकेचे उपाध्यक्ष अर्जुन गाढे, नॅशनल सुत गिरणीचे संचालक अब्दुल आमेर, न.प.तील गटनेते नंदकिशोर सहारे, राजेंद्र ठोंबरे, बाळासाहेबांची शिवसेनेचे उपजिल्हाप्रमुख किशोर अग्रवाल, हाजी फेरोज तांबोळी, नगरसेवक विठ्ठल सपकाळ, सुधाकर पाटील, प्रशांत क्षीरसागर, शेख सलीम हुसेन, राजू गौर, डॉ. दत्तात्रय भवर, माजी जि.प. सदस्य गोपी जाधव आदींची उपस्थिती होती.
