जामखेड : देशासह राज्यात महिलांवरील अत्याचार थांबण्याचं नाव घेत नाही. एकीकडे देशाच्या राजधानीमध्ये महिलांवरील अत्याचारांविरुद्ध आंदोलन चालू असताना आता राज्यात शिक्षण क्षेत्राला काळिमा फासणारी घटना अहमदनगर जिल्ह्यातील जामखेड येथे घडली आहे. जामखेड शहरातील रत्नदीप मेडिकल फौंडेशन व रिसर्च सेंटर या संस्थेचे अध्यक्ष श्री. डॉ. भास्कर मोरे यांनी एका १९ वर्षीय विद्यार्थीनीचा विनयभंग करून, तिच्यावर बळजबरी करण्याचा प्रयत्न केला. दरम्यान या प्रकरणी जामखेड पोलीस ठाण्यात गुन्हासुद्धा नोंदवला आहे.
सदर संस्थेत प्रशिक्षण घेणाऱ्या दोन विध्यार्थीनींनी आत्महत्या केल्याचा प्रकार घडला आहे. दरम्यान या आत्महत्यासुद्धा संशयास्पदचं आहेत. आता याच पार्श्वभूमीवर महाराष्ट्र प्रदेश दलित विकास आघाडीचे अध्यक्ष श्री. संजय जाधव यांनी अहमदनगर जिल्हाधिकारी कार्यालयासमोर सोमवार दिनांक २२/०५/२०२३ रोजी आमरण उपोषण कारण्यासाठीचे निवेदन दिले आहे.
जामखेडमध्ये घडलेल्या या विकृत कृत्याविरुद्ध जामखेड प्रशासन तसेच राजकारणी अजूनही शांत आहे. या प्रकरणी काही पत्रकारमित्र सुद्धा सदरील व्यक्तीला पाठीशी घालत आहे. मात्र आता महाराष्ट्र प्रदेश दलित विकास आघाडीने दिलेल्या निवेदनामुळे जामखेडकर अश्या कृत्याचा विरोध करतील का ? तसेच पीडित व्यक्तीला न्याय मिळवून देण्यासाठी प्रशासन काय कारवाई करतंय ? अश्या विकृतीला आळा घालण्यासाठी राज्य सरकार काय पाऊल उचलतेय हेच पाहणं औत्सुक्याचे ठरणार आहे.
