घर खरेदी करणाऱ्यांसाठी एक आनंदाची बातमी आहे. आता तुम्हाला तुमचे हक्काचं घर मिळू शकते. सिडको CIDCO गृहसंकुल बांधणार आहे. सिडको दोन बेडरूमचे घर बांधणार आहे. यामुळे मध्यमवर्गीयांचे घर घेण्याचे स्वप्न पूर्ण होणार आहे. दरम्यान, काही घरांचा प्रतिसाद न मिळाल्याने सिडकोने पुन्हा एकदा घरांसाठी लॉटरी काढणार आहे. ही घरे प्रथम येणाऱ्यास प्राधान्य या तत्त्वावर दिली जाणार आहेत.
दरम्यान, लॉटरी काढण्याचे आपले पारंपरिक धोरण सिडकोने प्रथमच मागे सारले आहे. प्रस्तावित घरे प्रथम येणाऱ्यास प्राधान्य या तत्त्वावर विकण्याची योजना आहे. ठाण्यात लवकरच सोडत काढण्यात येणार आहे. आता सिडकोने दोन खोल्यांच्या घराचा नवीन पथदर्शी प्रकल्प राबविण्याचा निर्णय घेतला आहे.
म्हाडाच्या या लॉटरीत मिळालेल्या ताज्या माहितीनुसार, सर्वात महागड्या घराची किंमत 4 कोटींहून अधिक आहे. अंधेरीतील जुहू विक्रांत येथील या घरासाठी 4 कोटी 38 लाख रुपये मोजावे लागणार आहेत. तर, गोरेगावच्या पहाडी भागात घरांच्या किमती कमी असल्याची माहिती आहे. अत्यंत निम्न गट – 2611 घरे, अल्प गट – 1007 घरे, मध्यम गट – 85 घरे, उच्च गट – 116 घरे असणार आहेत.
गेल्या दोन वर्षांत सिडकोने दोन टप्प्यात 25 हजार घरांची योजना राबवली. यापैकी सुमारे सात हजार घरे विविध कारणांमुळे विक्रीविना पडून आहेत. अनेक ग्राहकांनी देयके भरण्यास असमर्थतेमुळे त्यांची काही घरे पुन्हा ताब्यात घेतली आहेत. कागदपत्रांअभावी अनेकांचे वाटप रद्द झाले आहे. यापूर्वी सिडकोच्या CIDCO गृहनिर्माण योजनेत ग्राहकांकडून अर्ज मागविण्यात येत होते. प्रथम येणाऱ्या प्रथम प्राधान्य योजनेसाठी एक स्वतंत्र संगणक प्रणाली तयार केली. वाशी, जुईनगर, खारघर मानसरोवर उलवे कळंबोली या ठिकाणी हि घरे आहेत.
