सोमराज बडे,पाथर्डी प्रतिनिधी:
मराठवाड्यातील बीडसह नगर जिल्ह्यातील पाथर्डी हुन चिंचपूर पांगुळ,वडगांव,जोगेवाडी, अंमळनेर, कडा, धामणगाव, गहिनीनाथगड ते चिंचोली कडे जाणारी वाहतूक सोमवार (१५ मे) पासून पुढच्या काही दिवसांसाठी इतर मार्गावरून वळवण्यात येणार आहे, अशी माहिती सावर्जनीक.बांधकाम विभाग अहमदनगर,उपविभाग पाथर्डी यांनी प्रसिद्धी पत्रकाद्वारे दिली आहे. .
👉का वळवली वाहतूक?
चिंचपूर इजदे ते चिंचपूर पांगुळ ,जोगेवाडी ते जिल्हा हद्दबीड या मार्गाचे रुंदीकरण तसेच याच मार्गावर चिंचपूर पांगुळ येथील असलेला अवघड तसेच मोठ्या चढाईचा अरुंद घाटाचे खोलीकरण तसेच रुंदीकरण काम आज पासून सुरु करण्यात आले आहे.
त्यामुळे या भागांत वाहतूक कोंडी देखील होणार आहे. त्यामुळे या परिसरात वाहतूक कोंडी होऊ नये म्हणून या रस्त्यावरून जाणाऱ्या वाहतुकीत सोमवार (१५मे) बदल करण्यात आला आहे.
👉आजपासून अन्य मार्गे वाहतूक
पाथर्डी हुन येणारी वाहतूक सोमवारपासून चिंचपूर इजदे, मानूर,पिंपळनेर,वडगांव, चिंचपूर पांगुळ मार्गे पांढरवाडी फाटा ,अंमळनेर, चिंचोली,कडा,आष्ठी असा जाणार आहे. तर अंमळनेर चिंचोली हुन पांढर वाडी फाटा,जोगेवाडी,चिंचपूर पांगुळ,वडगावं,पिपंळनेर ते चिंचपूर इजदे मार्गे पाथर्डी असा असणार आहे….
