जामखेड सर्जिकल व अँक्सिडेंट हॉस्पिटल येथे घेतले उपचार
जामखेड प्रतिनिधी: धनराज पवार
शेळगाव येथील २० वर्षीय गरोदर माहिलेला ९ महिने पूर्ण झालेले होते.स्वंयपाक करताना झटके येवून शेगडी वर पडल्याने तिच्या पाठीला गंभीर जखम झाली असून त्या माहिलेला प्रथमोपचारसाठी तिला जामखेड येथे पाठवण्यात आले पण अनेक हॉस्पीटल मध्ये दाखल करून घेण्यास नकार दिला तिला नगरला हलवावे लागेल असे सांगितले तेव्हा तिला जामखेड सर्जिकल व अॅक्सीडेंट हॉस्पीटल मध्ये आणले तोपर्यंत तिला दोन झटके आले होते येथील डॉ. सचिन टेकाडे व डॉ. सरफराज खान यांनी अॅडमिट करून घेतले व उपचार सुरू केले यावेळी तिला परत झटका आला त्यामुळे सिझर करण्याचा निर्णय घेण्यात आला.
जामखेड मधील प्रसिद्ध स्त्री रोग तज्ञ डॉ. अर्चना झगडे यांनी तातडीने सिझर करत बाळाला सुखरूप बाहेर काढले. यावेळी भुलतज्ञ म्हणून डॉ. अंकुश पवार, बाळाला काही धोका तर नाही ना म्हणून बालरोगतज्ज्ञ डॉ. प्रताप चौरे यांच्या कडून बाळाची तपासणी करण्यात आली.
हे नक्की वाचा मान्सून न्यूज : अंदमानात 3 दिवस आधीच मान्सून धडकला; महाराष्ट्रात ‘या’ तारखेला होणार मान्सूनचे आगमन.!
यावेळी डॉ. टेकाडे म्हणाले बाळ ठणठणीत व निरोगी आहे. आई व बाळाला योग्य व वेळेवर उपचार मिळाल्या मुळे बाळाचे व आईचे प्राण वाचले. आईला व बाळाला डिचार्ज देतेवेळी नातेवाईकांनी सांगितले की, जामखेड सर्जिकल व अॅक्सीडेंट हॉस्पिटल मधील डॉ. सचिन टेकाडे, डॉ. सरफराज खान, डॉ. अर्चना झगडे, डॉ. प्रताप चौरे, डॉ. अंकुश पवार यांच्या मुळेच बाळ व बाळाची आई सुखरूप आहेत.
