नगर – अहमदनगर महानगरपालिकेचे सभागृह नेते नगरसेवक विनित पाउलबुधे यांच्या पत्नी सौ.सुजाता विनित पाउलबुधे यांचे सोमवारी सकाळी अल्पशा आजाराने निधन झाले. मृत्यू समयी त्या 45 वर्षांच्या होत्या. त्यांच्यावर दुपारी अमरधाम स्मशानभुमीत अंत्यसंस्कार करण्यात आले. याप्रसंगी सामाजिक, राजकीय, शैक्षणिक क्षेत्रातील मान्यवर, नागरिक मोठ्या संख्येने उपस्थित होते.
स्व.सुजाता पाउलबुधे यांच्या पश्चात पती, एक मुलगा, एक मुलगी असा परिवार आहे. सेवा शिक्षण प्रसारक मंडळाचे अध्यक्ष विनय पाउलबुधे व उद्योजक देवदत्त पाउलबुधे यांच्या त्या भावजयी होत. त्या धार्मिक व मनमिळावू स्वभावाच्या होत्या. सामाजिक कार्यात नेहमीच सक्रिय सहभागी असत. त्यांच्या निधनाने सर्वत्र हळहळ व्यक्त होत आहे.
