जामखेड प्रतिनिधी:धनराज पवार
जामखेड तालुक्यातील मोहा येथील निवारा बालगृहास कार्यसम्राट आमदार रोहित पवार यांनी सदिच्छा भेट दिली होती , त्यावेळी तेथील मुलांनी इच्छा दर्शविली होती.त्यास अनुसरून आमदार रोहित पवार यांनी तत्परता दाखवली आज रोजी निवारा बालगृहास LED टिव्ही भेट देण्यात आले.
यावेळी कर्जत / जामखेड एकात्मिक विकास संस्थेचे महाव्यवस्थापक यशवंतराव शितोळे यांनी बोलताना सांगितले की, मोहा येथील निवारा बालगृहामध्ये अनेक विद्यार्थी शिक्षण घेत आहेत, आर्थिक परिस्थिती हालाकीचे असणाऱ्या तसेच ज्यांना कोणाचाही आश्रय नाही, जे अनाथ आहेत, मंग ते कोणत्याही जाती धर्माचे असू त्यांना इथे प्रवेश दिला जातो, या संस्थेला जामखेड मधील नागरिकांनी सुद्धा भरभरून मदत केलेली आहे, इथे शिक्षण चांगल्या प्रकारे दिले जाते, नक्कीच येणाऱ्या काळात हे मुले शासकीय सेवेत रुजू होतील, त्यांनी जी इच्छा व्यक्त केली होती, ती आज जामखेड कर्जतचे लोकप्रिय आमदार रोहित पवार यांच्या माध्यमातून ती पूर्ण झाली, मुले खूप खुश आले
यावेळी बाजार समिती चे संचालक राहुल बेदमुथ्था, राष्ट्रवादी काँग्रेस पार्टीचे नेते रमेश आजबे,हरिभाऊ आजबे, प्रविण उगले,वसिम सय्यद, आमदार रोहित पवार यांचे स्विय सहायक नंदकुमार हंगे,विनय डूकरे आदी उपस्थित होते.
कार्यक्रमाचे सूत्रसंचालन संतोष चव्हाण तर आभार निवारा बालगृहाचे अधिक्षक वैजनाथ केसकर यांनी मानले .
