शेवगाव प्रतिनिधी – शेवगाव शहरातील दगडफेकीच्या प्रकरणापासून चर्चेत आलेले शेवगाव पोलिस ठाण्याचे वादग्रस्त पोलिस निरीक्षक विलास पुजारी यांची अखेर उचलबांगडी करण्यात आली होती आणि त्यांच्या जागी प्रभारी पोलिस निरीक्षक म्हणुन प्रशिक्षणार्थी बी. चंद्रकांत रेड्डी यांची नियुक्ती करण्यात आली होती.
पोलिस निरीक्षक विलास पुजारी यांना अहमदनगर नियंत्रण कक्षात हजर होण्याचे आदेश दिले होते. त्यानंतर पो नि. विलास पुजारी यांच्या बदलीचे आदेश आल्यानंतर काही राजकारण्यांनी आपले वजन वापरून त्यांना पुन्हा शेवगाव येथेच राहण्याबाबत हालचाली सुरु केल्या. शेवगाव शहरासह तालुक्यातील कायदा व सुव्यवस्था आबाधित राखण्यात पोलिस प्रशासन अपयशी ठरले होते. मागील काही दिवसापासून पोलिस प्रशासन चर्चेत असून शेवगाव शहर व तालुक्यात अवैध धंदे, अवैध वाळू उपसा, वेश्या व्यवसाय, मटका, अवैध दारु, खून, मारामाऱ्या, बोधेगाव येथील पत्रकार बाळासाहेब खेडकर पत्रकार हल्ला प्रकरण अश्या अनेक प्रकारच्या घटना या बदली मागे कारणीभूत असल्याचे सांगण्यात आले होते.
मात्र शेवगावचे पोलिस निरिक्षक विलास पुजारी यांना आज (सोमवारी ) दुपारी जिल्हा पोलीस प्रमुख राकेश ओला यांनी कक्ष विभागात हजर राहण्याचे आदेश दिले होते. त्यानंतर त्यांची झालेली बदली रद्द करण्यासाठी राजकीय दबाव टाकण्यात आला. आणि विलास पुजारी यांच्या बदलीचे आदेश मागे घेण्यात आले. दरम्यान शेवगाव शहरात या निर्णयानंतर फटाके फटाके वाजवून जल्लोष साजरा करण्यात आला.
