जामखेड शहरात दिंडीचे भव्य स्वागत
जामखेड प्रतिनिधी: धनराज पवार
पांडुरंगाच्या भक्तीत दंगलेल्या भक्तांना ना खान्याचे न पिण्याचे भान भक्तीमय वातावरणात श्री संत वामनभाऊ यांची पालखी जामखेड मध्ये आली असता उमडला भक्तांचा जनसागर राज्यभरातील पायी दिंड्या पांडुरंगाच्या दर्शनासाठी पंढरीच्या दिशेने आषाढी वारीसाठी रवाना झाल्या आहेत.
ठिकठिकाणचे वारकरी खांद्यावर भगव्या पताका, हाती टाळ मृदुंग आणि विठूनामाचा जयघोष करत दिंड्यांमध्ये मार्गक्रमण करताना दिसत आहेत. ऐतिहासिक जामखेड नगरीच्या पावण भुमीत नागेश्वरांच्या सानिध्यात आलेल्या भाविकांचे कर्जत जामखेड मतदारसंघाचे आमदार श्री. रोहित दादा पवार यांच्या वतीने उत्साहात स्वागत करण्यात आले.
आलेल्या सर्व भक्तांना अल्पोपाहार व चहा पाण्याची व्यवस्था करण्यात आली होती. तसेच दिंडीत सहभागी असणाऱ्या वारकऱ्यांच्या आरोग्यचा विचार करून आ. श्री. रोहित दादा पवार यांनी मौजे जमादारवाडी या ठिकाणी वारकऱ्यांची आरोग्य तपासणी करुन त्यांना औषधोपचार उपलब्ध करून दिले. आलेल्या भाविकांनी व वारकऱ्यांनी आ. रोहित दादा पवार यांच्या कार्याचे कौतुक यावेळी केले.
श्री संत वामनभाऊ महाराजांची पालखी श्री श्रेत्र गहिनीनाथ गडावरुन निघून जामखेड तालुक्यात ठिकठिकाणी स्वागत व दर्शनासाठी भक्तांनी एकच गर्दी केली होती. जामखेड येथील आ. श्री. रोहित दादा पवार यांच्या कार्यालया समोर राष्ट्रवादी काँग्रेस पक्षाचे नेते मधुकर (आबा) राळेभात, शहराध्यक्ष राजेंद्र गोरे, उद्योजक रमेश आजबे,नगरसेवक मोहन पवार, अमित जाधव,युवा नेते प्रवीण उगले,अमोल गिरमे,सामाजिक कार्यकर्ते नासीर चाचू सय्यद,बिलाल शेख,सचिन शिंदे, रणजित मुंढे,अनिल बाबर, इमरान तांबोळी, व पदाधिकारी बहुसंख्येने उपस्थित होते.
या दिंडी च्या निमित्ताने आलेल्या भाविकांना अल्पोपाहार, चहा पाणी, आणि आरोग्य सेवा व इतर सोयी योग्य नियोजनबद्ध पद्धतीने पुरविण्यासाठी जामखेड कार्यालयाचे मा. विनय डुकरे, आणि सर्व स्टाफने विशेष मेहनत घेतली.
