मुंबई येथे मुख्यमंत्री एकनाथराव शिंदे यांच्या हस्ते होणार सन्मानित
राष्ट्रीय छावा संघटनेचा वर्धापन दिन ३ ऑगस्ट रोजी मुंबईत साजरा करण्यात येणार आहे. यानिमित्त राष्ट्रीय छावा रत्न या पुरस्काराने या महाराष्ट्राचे लाडके मुख्यमंत्री एकनाथराव शिंदे व उपमुख्यमंत्री देवेंद्र फडणवीस आणि उपमुख्यमंत्री अजित दादा पवार यांच्या प्रमुख उपस्थितीत पुरस्काराचे वितरण करण्यात येणार आहे. अशी माहिती राष्ट्रीय छावा संघटनेचे संस्थापक अध्यक्ष गंगाधर काळकुटे पाटील
यांनी दिली.
जामखेड शहरातील सामाजिक कार्यकर्ते तथा पत्रकार धनराज पवार यांना पत्रकारिता व सामाजिक क्षेत्रात उल्लेखनीय कामगिरी बद्दल राष्ट्रीय छावा रत्न या पुरस्काराने मुख्यमंत्री एकनाथराव शिंदे व उपमुख्यमंत्री देवेंद्र फडणवीस व अजितदादा पवार यांच्या हस्ते सन्मानित करण्यात येणार आहे.
राष्ट्रीय छावा संघटना ही देशभर सामाजिक व विविध विषयावर तसेच मराठा आरक्षण असेल किंवा शेतकन्याचे प्रश्न सोडवण्यासाठी कायम अग्रेसर असते. राष्ट्रीय छावा संघटनेचे कार्यकर्ते महाराष्ट्रभर आहेत. या संघटनेचा वर्धापन दिन यावर्षी मुंबईतील यशवंतराव चव्हाण सेंटर येथे होणार असून या कार्यक्र माला राज्याचे मुख्यमंत्री एकनाथराव शिंदे विशेष उपस्थित राहणार असून या कार्यक्रमासाठी महाराष्ट्राचे उपमुख्यमंत्री देवेंद्र फडणवीस व उपमुख्यमंत्री अजित पवार उपस्थित राहणार आहेत. या कार्यक्रमात महाराष्ट्राचे मुख्यमंत्री एकनाथराव शिंदे साहेबांनी राज्यासाठी घेतलेले ऐतिहासिक निर्णयाबद्दल त्यांचा या कार्यक्रमात राष्ट्रीय छावा संघटनेच्या वतीने विशेष सन्मान करण्यात येणार आहे.
तसेच या कार्यक्रमात बीड जिल्ह्यासह महाराष्ट्रातील विविध क्षेत्रात उल्लेखनीय कामगिरी करणाऱ्या व्यक्तीचा मुख्यमंत्री व उपमुख्यमंत्र्यांच्या हस्ते विशेष सन्मान करण्यात येणार आहे. असे कार्यक्रमाचे मुख्य आयोजक गंगाधर काळकुटे पाटील यांनी म्हटले आहे.
