जनविकास सेवाभावी संस्थेने दिन-दुबळ्यां- साठी राबविलेले उपक्रम अतिशय अनुकरणीय – मंडळ अधिकारी नंदकुमार गव्हाणे
जामखेड प्रतिनिधी: धनराज पवार.
महाराष्ट्र शासनाच्या महत्वकांक्षी योजनेतील जिल्हाधिकारी श्री सालीमठ साहेब, कर्जत प्रांताधिकारी श्री. नितीन पाटील साहेब व जामखेड तहसिलदार श्री. योगेश चंद्रे साहेब यांचे मार्गदर्शनाखाली महसुल सप्ताह साजरा केला जात आहे.
त्याअंतर्गत आज दिनांक ०६/०/2023 रोजी जामखेड शहरातील जनविकास सेवाभावी संस्था जामखेड येथे ‘महसुल सप्ताह: 2023’ अंतर्गत – जे का रंजले गांजले- त्यांसी म्हणे जो आपुले- या उक्ती प्रमाणे एक हात मदतीचा ।
या योजने अंतर्गत जनविकास सेवाभावी संस्था व तहसिल कार्यालय जामखेड – मंडळ अधिकारी व तलाठी यांनी एकत्रितपणे प्रयत्न करून आदिवासी व भटक्या समाजातील लाभार्थींना जात प्रमाणपत्राचा प्रकल्प राबवित होता.
त्या अंतर्गत घरोघरी जाउन लाभार्थी व त्यांची मुले यांना जात प्रमाणपत्रांसाठी आवश्यक फॉर्म भरून घेतले होते व त्यांचे पुरावे-सर्व कागदपत्रे मंडळ अधिकारी व जनविकास सेवाभावी संस्था यांचे मार्फत फाॅर्म भरून घेऊन, प्रस्ताव छाननी केले होते. त्यांचे सेतू केंद्रामार्फत प्राप्त ऑनलाईन जात प्रमाणपत्र चे लाभार्थींना आज संस्थेमध्ये वाटप करण्यात आले.
पारधी 166
वैदू 6
वडार 14
गोसावी 35
कोल्हाटी 12
घिसाडी 2
बेलदार 2
आत्तापर्यंत एकुण 237दाखले प्राप्त
लाभार्थी यांना शिक्षण व शासकिय योजना यांसाठी आवश्यक असणारे जात प्रमाणपत्र मिळाल्याचे समाधान व आनंद लाभार्थ्यांचे चेहऱ्यावर दिसत होता. संस्थेमार्फत यासोबतच रेशनकार्ड, आधार कार्ड, उत्पन्न प्रमाणपत्र यावरही उल्लेखनिय कार्य केले जाते.
लक्ष्मी ताई पवार व त्यांची संस्था व परीवार हे दिन-दुबळ्यां- साठी राबविलेले उपक्रम अतिशय अनुकरणीय व अभिनंदनीय आहे. असे मत तहसील कार्यालय जामखेड येथील मंडळ अधिकारी नंदकुमार गव्हाणे यांनी व्यक्त केले.
