आमदार रोहित पवारांनी Rohit Pawar जनतेला दिलेला शब्द पाळला
कर्जत | धाकटी पंढरी म्हणून ओळख असलेल्या कर्जत नगरीचे आराध्य दैवत असलेले संत श्री सद्गुरू गोदड महाराज यांच्या भक्त निवासाचा भूमिपूजन सोहळा नुकताच मोठ्या उत्साहात व भक्तिमय वातावरणात कर्जत येथे पार पडला आहे. आमदार रोहित पवार Rohit Pawar यांनी मविआ सरकार असताना नगर विकास विभागाकडे भक्त निवासाबाबतचा प्रस्ताव दिला होता. तसेच ते वेळोवेळी याबाबत शासन दरबारी आवश्यक तो पाठपुरावा देखील करत होते.
भक्तीमय वातावरणात कर्जतमध्ये पार पडला भूमिपूजन सोहळा
त्यानंतर महाविकास आघाडी सरकारने पाच कोटींचा निधी या भक्तनिवासासाठी मंजूर केला होता. परंतु राज्यातील सत्ता बदलामुळे अनेक कामांना नव्याने सत्तेत आलेल्या सरकारने स्थगित केले होते. त्यानंतर मा.न्यायालयाच्या आदेशानुसार स्थगिती उठल्यानंतर आता अखेर या कामाचे भूमिपूजन पार पडले आहे.
[better-ads type=’banner’ banner=’6832′ ]
कर्जत नगरपंचायतीच्या निवडणुकीवेळी आमदार रोहित पवार Rohit Pawar यांनी जनतेला भक्तनिवासाची इमारत उभारली जाईल, असा शब्द दिला होता. त्यानुसारच आता मतदारसंघातील पाच कोटींच्या भव्य भक्तनिवास इमारतीच्या भूमिपूजनाचा कार्यक्रम नुकताच कर्जत शहरात पार पडला आहे. या भूमिपूजन सोहळ्यानिमित्त ह.भ.प समाधान महाराज शर्मा यांच्या सुश्राव्य कीर्तनाचे देखील आयोजन करण्यात आले होते.
[better-ads type=’banner’ banner=’6769′ ]
Table of Contents
बाहेर गावावरून येणारे भक्तजन, महंत व धार्मिक गुरु यांना राहण्याची व्यवस्था त्यासोबतच गरजू लोकांसाठी छोटेखानी विवाह समारंभ करण्याची व्यवस्था व जेवण बनवण्याची व जेवण करण्यासाठीची व्यवस्था देखील या भक्तनिवासाच्या इमारतीत असणार आहे. संतश्री सद्गुरू गोदड महाराज यांच्या प्राचीन ग्रंथाचे संग्रहालय होण्यासाठी देखील या इमारतीमध्ये जागा उपलब्ध करून दिली जाणार आहे.
आमदार रोहित पवार Rohit Pawar यांच्यासह अध्यात्मिक व धार्मिक क्षेत्रातील मंडळी तसेच मतदारसंघातील संत श्री सद्गुरू गोदड महाराज यांचे भक्तजन, नागरिक मोठ्या संख्येने या भक्तिमय व ऐतिहासिक भूमिपूजन सोहळ्यासाठी उपस्थित होते.
[better-ads type=’banner’ banner=’6827′ ]
