जामखेड, (धनराज पवार)
धनगर आरक्षणप्रश्नी चौंडीत सुरू असलेल्या उपोषणाकडे आज सातव्या दिवशीही
सरकार च्या निषेधार्थ पाच तरुणांनी मुंडण केले. चौंडीत धनगर आरक्षणासाठ यशवंत सेनेच्या कार्यकर्त्यांच्या
उपोषणाचा आज सातवा दिवस आहे. मात्र अद्याप कोणताही उच्चपदस्य अधिकारी किंवा सरकारमधील
कोणताही मंत्री या आंदोलनाकडे फिरकला नाही.
उपोषणकर्ते अण्णासाहेब रूपनवर आणि सुरेश बंडगर यांची प्रकृती खालावली असून चिंता व्यक्त केली जात असून, आंदोलनाची सरकार दखल घेत नसल्याने, धनगर समाज बांधवांत तीव्र संताप व्यक्त केला जात असल्याचे यशवंत सेनेचे प्रदेशाध्यक्ष माणिकराव दांगडे पाटील यांनी सांगितले.
सरकारच्या निषेधार्थ किरण धालपे (पुणे), प्रेम आगुणे (कोल्हापूर), स्वप्नील नेमाणे (जेजुरी), बाळा गायके (बीड), अॅड. रणजित कारंडे या पाच तरुणांनी मुंडण
करून सरकारचा निषेध केला.
दरम्यान होळकर घराण्याचे वंशज भूषणसिंहराजे होळकर, राष्ट्रवादी युवती आघाडीच्या प्रदेशाध्यक्ष
सक्षणा सलगर, वंचित बहुजन आघाडी चे नेते ॲडव्होकेट डॉ. अरुण जाधव,पुणे जिल्हा परिषदेचे
माजी अध्यक्ष विश्वास देवकाते बीड जिल्हा परिषदेचे माजी अध्यक्ष डॉ. शिवाजी शेंडगे, धनगर आरक्षण
कृती समितीचे अध्यक्ष हनुमंत सूळ, फलटणचे सभापती रामभाऊ ठेकळे, खंडाळ्याचे सभापती राजाभाऊ
धायगुडे यांच्यासह हजारो लोकांनी आंदोलनस्थळी भेट देऊन उपोषणाला पाठिंबा दिला.
