मुंबई : 2022 मध्ये या अभिनेत्रीला वादग्रस्त पोस्टमुळे जेलमध्ये जावं लागलं होतं. संपूर्ण वर्षभर ती प्रचंड चर्चेत होती. केतकीला काही महिन्याआधीच तिच्या फेसबुकचे अक्सेस परत देण्यात आले. अभिनेत्री केतकी चितळे नेहमीच तिची मतं सोशल मीडियावर मांडत असते. त्यानंतर केतकी सोशल मीडियावर प्रामुख्यानं फेसबुकवर सक्रीय झाली. मात्र नंतर केतकीच्या सोशल मीडिया पोस्ट पुन्हा चर्चेत येऊ लागल्या. दरम्यान 31 डिसेंबरला केतकीनं शेअर केलेल्या व्हिडीओनं पुन्हा चर्चांना उधाण आलं आहे. केतकी नेटकऱ्यांच्या पुन्हा निशाण्यावर आली आहे. इतकंच नाही तर नेटकऱ्यांच्या ट्रोलिंगला केतकीनं उत्तर देखील दिली आहे.
केतकीनं फेसबुकवर एक व्हिडीओ शेअर केलाय ज्यात तिच्या हातात दारूचा ग्लास दिसत आहे. ग्लास हातात घेऊन केतकी सर्वांना नवीन वर्षांच्या शुभेच्छा देताना दिसतेय. हा व्हिडीओ शेअर करत केतकीनं एक पोस्ट लिहिली आहे. ज्यात तिनं म्हटलंय, ‘फादर त्या सगळ्यांना माफकरा. कारण त्यांना माहिती नाहीये ते काय करत आहेत. ती काही चुकीचं बोलत असेन तर मला नक्की सांगा. मैं कट्टर सनातन हिन्दू हूँ लेकीन इसका मतलब यह नहीं की बाकी सब 100%गलत है. सगळ्यांना माफ करा पण कझी विसरू नका’.
केतकीचा दारू पितानाचा व्हिडीओ पाहून नेटकरी चांगलेच संतापले. केतकीला पुन्हा एकदा मोठ्या प्रमाणात ट्रोल करण्यात आलं. एका युझरनं म्हटलं, ‘वाह दीदी… लोकांना सांगायचं इंग्रजी परंपरा पाळू नका आणि आपण ढोसायचं’ .
या युझरला उत्तर देत केतकीनं वादग्रस्त्र विधान केलं आहे. तिनं म्हटलंय, ‘मी कधी म्हणाले इंग्रजी परंपरा पाळू नका? सोमरस म्हणजे वाईन. सनातन धर्मात दारू आहे. आमचे देवही दारू पितात. काली मातेला तर दारूचे नैवेद्य असते. तसंच काही शंकाराच्या मंदिरातही. स्वत:ची संस्कृती शिका, हे मी नेहमी लिहिते आणि सांगते. फरक शिका’.
धक्कादायक; मुख्यमंत्री यांच्या निवासस्थानाजवळ बॉम्ब आढळला, बॉम्बशोधक पथक घटनास्थळी दाखल !
अभिनेत्री केतकीचा व्हिडीओ आणि युझरच्या कमेंटला दिलेलं उत्तर चांगलंच चर्चेत आलं आहे. आधी राष्ट्रवादी काँग्रेसचे अध्यक्ष शरद पवार यांच्याविरोधात केलेली फेसबुक पोस्टमुळे केतकीला जवळपास 40 दिवस तुरुंगात ठेवण्यात आलं होतं. अटक झाल्यानंतरही केतकी तिच्या भूमिकेवर ठाम होती. फेसबुक पोस्ट डिलिट करण्यास तिनं नकार दिला होती. तिच्या फेसबुक अकाऊंटवर ती पोस्ट आजही पाहायला मिळतेय.
