जामखेड :- पंचायत समिती जामखेड Jamkhed येथे कार्यरत श्री. सुरज मुंडे , कनिष्ठ सहायक हे सेवानिवृत्त कर्मचाऱ्यांचे काम करण्यासाठी वारंवार पैशाची मागणी करतात तशा अनेकांच्या तक्रारी आहेत, आम्हालाही सन २०२१ पासून पाठपुरावा करूनही १५ वर्षांनंतरचे सेवा निवृतत्ती चे कोणतेच लाभ मिळत नसल्यामुळे डिसेंबर २०२३ मध्ये जिल्हा परिषद अहमदनगर या कार्यालयासमोर अमरण उपोषणास बसण्याचा इशारा सेवानिवृत्त मुख्याध्यापिका श्रीमती. उषा समुद्र , श्रीमती .कुसुम आव्हाड यांनी मुख्य कार्यकारी अधिकारी यांना दिला आहे .
याबाबत माहिती अशी की, सद्या सेवानिवृत्त मुख्याध्यापिका या सेवानिवृत्त होऊन सन २०२१ ला १५ वर्षे पूर्ण झाली आहेत .त्यानंतरचे पेन्शन विक्रीचे व इतर सर्व प्रकारचे लाभ मिळण्यासाठी गेली तीन वर्षापासून त्या सूरज मुंडे यांना भेटून पाठपुरावा करून विनंती करत आहेत . परंतु मुंडे हे उडवाउडवीचे उत्तरे देऊन चहा पाणी करा म्हणून पैशाची मागणी करत आहेत . वरच्या साहेबांना पैसे द्यावे लागतात तुम्ही कोणाकडेही गेला तरी काहीच होणार नाही .
या सेवानिवृत्त मुख्याध्यापकांनी सदरची बाब त्यांनी वरिष्ठांच्या कानावर घातली परंतू त्यांची एकमेकांशी मिलिभगत असल्यामुळे मुंडे विरोधात त्यांच्या कामाच्या , भ्रष्टाचाराच्या व लोकांकडून पैसे घेतल्याच्या अनेक तक्रारी आहेत परंतु त्यांच्यावर आजपर्यंत कोणतीच कारवाई करण्यात आलेली नाही.
सुरज मुंडे यांना त्वरीत सेवा निलंबीत करून त्यांच्यावर प्रशासकिय व कायदेशीर कारवाई करण्यात यावी, त्यांच्याकडे असलेल्या अस्था पणाविषयक कामकाजाची चौकशी करावी , त्यांच्याकडे असणाऱ्या मलईदार आस्थापना काढून घ्याव्यात , त्यांच्या संपत्तीची चौकशी करावी , सेवानिवृतीच्या १५ वर्षानंतरचे सर्व आर्थिक लाभ मिळावेत या मागण्यांसाठी दिनांक १८ डिसेंबर २०२३ रोजी जिल्हा परिषद अहमदनगर येथे उपोषणास बसण्याचा इशारा मुख्य कार्यकारी अधिकारी जिल्हा परिषद अहमदगर यांना दिनांक . १३ / ११ / २३ रोजी दिलेल्या निवेदनात श्रीमती. उषा समुद्र व श्रीमती . कुसुम आव्हाड यांनी दिला आहे.
