बालमटाकळी/प्रतिनिधी ( इसाक शेख ) दि. २४/११/२०२३
शेवगाव तालुक्यातील राजकीय दृष्ट्या महत्त्वाच्या समजल्या जाणाऱ्या लाडजळगाव येथील ग्रुप ग्रामपंचायतीच्या उपसरपंच पदी सौ. कांताबाई बबन राठोड यांची शुक्रवारी ( ता.२४ ) रोजी घेण्यात आलेल्या निवडणूक प्रक्रियेत बिनविरोध निवड करण्यात आली आहे. गावचे लोकनियुक्त सरपंच अंबादास ढाकणे यांच्या अध्यक्षतेखाली तसेच निवडणूक निर्णय अधिकारी तथा गटशिक्षणाधिकारी तृप्ती कोलते यांच्या प्रमुख उपस्थितीमध्ये ग्रामपंचायत कार्यालयात निवड प्रक्रिया पार पडली असून यामध्ये उपसरपंच पदासाठी भाजपचे नितीनभाऊ काकडे यांचे समर्थक दत्ता तहकिक यांच्या गटाच्या सौ. कांताबाई बबन राठोड तर राष्ट्रवादीचे काकासाहेब तहकिक यांच्या गटाचे प्रल्हाद काकासाहेब तहकीक या दोघांनी उपसरपंच पदासाठी उमेदवारी अर्ज भरला होता
ग्रामपंचायतीच्या उपसरपंचपदी सौ. कांताबाई राठोड
परंतु प्रल्हाद काकासाहेब तहाकिक यांनी आपला अर्ज मागे घेतल्याने तसेच लोकनियुक्त सरपंच अंबादास ढाकणे यांच्या सर्वपक्षीय गटाने माजी उपसपंच दत्ता तहकिक यांच्या गटाला पाठिंबा देत उपसरपंच पदासाठी सौ. कांताबाई बबन राठोड यांचा एकमेव अर्ज राहिल्याने सदर उपसरपंच पदाची निवड ही बिनविरोध होत असल्याचे निवडणूक निर्णय अधिकारी तथा गटशिक्षणाधिकारी तृप्ती कोलते यांनी जाहीर केले तसेच त्यांना ग्रामसेवक चंद्रकांत अहिरे, तलाठी सोमनाथ आमने यांनी सहाय्य केले. निवडणूक प्रक्रिया पार पडल्यानंतर नवनिर्वाचित सरपंच अंबादास बाबासाहेब ढाकणे, नवनिर्वाचित उपसरपंच सौ. कांताबाई बबन राठोड तसेच अधिकाऱ्यांचा ग्रामस्थांच्या वतीने सन्मान करण्यात आला.
Passport | पासपोर्ट काढणे झाले सोपे ; जाणून घ्या कसा काढायचा पासपोर्ट..
यावेळी माजी उपसरपंच दत्तात्रय तहकिक, शेषराव वंजारी, दत्ता वंजारी, राजेंद्र गायकवाड, राम पाटील, विठ्ठल ढाकणे, केदार पाटील, लिंबा गव्हाणे, शहादेव शिंदे, बापूसाहेब गायकवाड ( मेजर ), लक्ष्मण तहकिक, अशोक क्षीरसागर, साजीद शेख, रामनाथ मुळक, राजू राठोड, जयसिंग राठोड, रवी शिंदे, गणेश वैद्य, आबासाहेब सांगळे सर्वश्री ग्रामपंचायत सदस्य सचिन बंडू पाटील, सौ. अर्चना वसंत वीर, दादासाहेब मोहन तहकिक, सौ. कल्याण बाळासाहेब जाधव, सौ. शितल विशाल पाटील, आकाश आप्पासाहेब काजळे, भरत शिवाजी गव्हाणे,
Table of Contents
सौ. आशाबाई शेषराव वंजारी, सौ. मिनाबाई मोहन शिंदे यांच्यासह आदी ग्रामस्थ, कार्यकर्ते मोठ्या संख्येने उपस्थित होते. तसेच निवडणूकस्थळी शेवगावचे पोलीस निरीक्षक विलास पुजारी यांच्या मार्गदर्शनाखाली बोधेगाव पोलीस दूरक्षेत्राचे पोलीस उपनिरीक्षक भास्कर गावंडे, पोलीस हवालदार राजेंद्र ससाणे, पोलीस नाईक ईश्वर गरजे, पोलीस नाईक सुखदेव धोत्रे आदींनी चोख बंदोबस्त ठेवला होता.
