IND vs SA 1st T20I : ऑस्ट्रेलियाविरुद्धच्या ट्वेंटी-२० मालिकेत ४-१ अशा विजयानंतर भारतीय संघ दक्षिण आफ्रिकेत दाखल झाला आहे. आफ्रिकेच्या (INDvsSA) उसळत्या खेळपट्ट्यांवर भारताच्या युवा ब्रिगेडची खडतर कसोटी लागणार आहे. ट्वेंटी-२० वर्ल्ड कप २०२४ डोळ्यासमोर ठेवताना युवा खेळाडूंना पुन्हा आपली छाप पाडण्याची संधी आहे. पण, आजच्या पहिल्या ट्वेंटी-२० सामन्यात पावसाने व्यत्यय आणला आणि सामना रद्द करावा लागला.
जगात ‘मेलोडी’ची हवा; मोदींना ‘फ्रेण्ड’ म्हणणाऱ्या जॉर्जिया मेलोनींचा चीनला मोठा झटका
दरम्यान, T20 विश्वचषक 2024 यावेळी परदेशी भूमीवर खेळवला जाईल. या विश्वचषकापूर्वी भारताला फक्त 5 टी-20 सामने खेळण्याची संधी मिळणार आहे. यापैकी टीम इंडिया अफगाणिस्तानसोबत मायदेशात तीन सामने खेळणार आहे. अफगाणिस्तानचा संघ जानेवारी 2024 मध्ये भारत दौऱ्यावर येणार आहे. जिथे उभय संघांमध्ये तीन सामन्यांची T20 मालिका खेळवली जाणार आहे.
Not so great news from Durban as the 1st T20I has been called off due to incessant rains.#SAvIND pic.twitter.com/R1XW1hqhnf
— BCCI (@BCCI) December 10, 2023
रोहित आणि विराट T20 विश्वचषकात खेळणार ?
दुसरीकडे, बीसीसीआयलाही टी-20 विश्वचषकापूर्वी धाकड टीम इंडिया तयार करायची आहे. कारण गेल्या एक वर्षापासून रोहित शर्मापासून विराट कोहली आणि केएल राहुलपर्यंत संघातील वरिष्ठ खेळाडूंनी एकही टी-20 आंतरराष्ट्रीय सामना खेळलेला नाही. रोहित शर्मा आणि विराट कोहली 2024 च्या T20 विश्वचषकात खेळणार की नाही हे अद्याप स्पष्ट झालेले नाही.
भारतीय युवा खेळाडू जबरदस्त फॉर्मात आहेत
दरम्यान, टीम इंडियातील युवा खेळाडू सध्या शानदार फॉर्ममध्ये दिसत आहेत. अलीकडेच ऑस्ट्रेलियासोबत खेळलेल्या टी-20 मालिकेत युवा खेळाडूंनी आपल्या कामगिरीने प्रभावित केले. विशेषतः फलंदाजीत भारतीय खेळाडूंनी ऑस्ट्रेलियन गोलंदाजांचा चांगलाच समाचार घेतला होता. सूर्यकुमार यादवच्या नेतृत्वाखाली टीम इंडियाने ही मालिका 4-1 ने जिंकली. आता पुन्हा एकदा (INDvsSA) दक्षिण आफ्रिकेविरुद्धच्या टी-20 मालिकेत टीम इंडियाची कमान सूर्यकुमार यादवकडे सोपवण्यात आली आहे. हार्दिक पांड्याच्या अनुपस्थितीत सूर्यकुमार यादव फलंदाजीपासून कर्णधारपदापर्यंत कमाल करत आहे.
