बी फार्मसी च्या विद्यार्थ्यांच्या आमरण उपोषणाला जामखेड तालुका वकील संघाचा जाहीर पाठिंबा
जामखेड प्रतिनिधी
जामखेड येथे रत्नदीप मेडिकल फाउंडेशन अँड रिसर्च सेंटर रत्नापूर येथे शिक्षण घेत असणारे बी फार्मसी चे विद्यार्थीनी व विद्यार्थ्यांची रत्नदीप मेडिकल फाउंडेशनचे संस्थापक अध्यक्ष डॉ भास्कर मोरे यांच्याकडून होत असलेल्या आर्थिक, मानसिक व शारीरिक छळास कंटाळून उद्विग्न झालेल्या मुला – मुलींच्या आमरण उपोषणाला जामखेड तालुका वकील संघाचा जाहीर पाठिंबा आज रोजी देण्यात आला आहे.
या निवेदनात म्हटले आहे की, रत्नदीप मेडिकल फाउंडेशन कॉलेज येथे बी ए एम एस ,बी एच एम एस, डी फार्म, बी फार्म, एम फार्म नर्सिंग असे अभ्यासक्रम शिकवले जातात. या सर्व शिक्षणासाठी राज्याच्या व देशाच्या कानाकोपऱ्यातून शेकडो मुले – मुली प्रवेश घेतलेला आहे या संस्थेचे अध्यक्ष डॉक्टर भास्कर मोरे हे मुला – मुलींचे वारंवार आर्थिक, मानसिक व शारीरिक छळ करत आलेले आहे. काही दिवसापूर्वी त्यांच्यावर विनयभंगाचा गुन्हा दाखल झाला असून तो या प्रकरणी आज रोजी जामिनावर आहे. या कॉलेजमध्ये आवश्यक शिक्षक स्टाफ , लॅब प्रात्यक्षिक सुविधा उपलब्ध नाही.
त्यामुळे येथे शिकणाऱ्या विद्यार्थ्यांना विद्यापीठ नियमानुसार कोणतेही योग्य प्रशिक्षण व शिक्षण मिळत नसून गैर मार्गाचा वापर करून फक्त पास करून देण्याची हमी दिली जाते व त्या मोबदल्यात आर्थिक व्यवहार केले जातात. जे विद्यार्थी पूर्ण प्रशिक्षण व शिक्षणाचा आग्रह धरतील व त्यांच्या गैरमार्गात सहभागी होण्यास नकार देतील त्यांना दम देणे मुलींना कॅबिनमध्ये बोलून घेऊन मानसिक व शारीरिक छळ करणे असे प्रकार खुद्द संस्थापक अध्यक्ष डॉक्टर भास्कर मोरे यांच्याकडून केले जात आहेत हे अत्यंत गंभीर आहे.
या कॉलेजमध्ये मुली अजिबात सुरक्षित नाहीत ही गंभीर परिस्थिती आहे.म्हणून तहसीलदार व पोलीस निरीक्षक यांनी तातडीने याची तक्रार राष्ट्रीय महिला आयोगाकडे व राज्य महिला आयोगाकडे करून त्यांना निमंत्रित करून सखोल चौकशी करावी तसेच सक्षम महिला पोलीस अधिकारी निमंत्रित करून मुलींच्या मानसिक शारीरिक शोषणाची सखोल चौकशी करून कायदेशीर कारवाई करावी.
याकरिता समस्त रत्नदीप मेडिकल फाउंडेशनचे विद्यार्थी व विद्यार्थिनींना उपोषण करता जामखेड तालुका वकील संघाचा जाहीर पाठिंबा आहे. यावेळी अध्यक्ष ॲड शमा हाजी कादर, उपाध्यक्ष, ॲड नितीन घुमरे, सचिव ॲड कृष्णा शिरोळे,ॲड संग्राम पोले,ॲड महारुद्र नागरगोजे, ॲड पोपट कात्रजकर,ॲड जैद सय्यद,ॲड बाळासाहेब घोडेस्वार,ॲड सुमित बोरा,ॲड मोहन कारंडे,ॲड प्रदीप बोलभट, ॲड प्रविण ससाणे, ॲड
नितीन राजपूरे,ॲड अजिनाथ जायभाय आदी उपस्थित होते.
