जामखेड प्रतिनिधी
जामखेड शहरातील प्रसिद्ध छायाचित्रणासाठी लोकप्रिय असलेले छायाचित्रकार सुनिल उर्फ (दादा) कलासागर कासार यांचे समर्थ हाॅस्पिटल येथे शनिवारी रात्री ११ वाजेच्या सुमारास निधन झाले.
लोकसभा निवडणूक छायाचित्रणासाठी गेले असताना त्यांना अचानक अस्वस्थवाटू लागले. त्यानंतर, तातडीने उपचाराकरिता रुग्णालयात दाखल करण्यात आल़े मात्र, उपचारादरम्यानच सुनिल उर्फ दादा (कलासागर) कासार यांनी अखेरचा श्वास घेतला. त्यांच्या पश्चात पत्नी, मुलगा, वडील असा परिवार आहे.
रविवारी दुपारी 1:00 वाजता शहरातील तपनेश्वर येथील अमरधाम स्मशानभूमीत त्यांच्यावर अंतिम संस्कार करण्यात येणार आहेत. सुनिल हे प्रेमळ व मोठ्या मनाचा माणूस म्हणून तालुक्यात ख्याती असलेले व एक अष्टपैलू व्यक्तिमत्त्व.त्यांच्या निधनाने छायाचित्रण क्षेत्रचे मोठे नुकसान झाल्याची हळहळ दिग्गजांनी व्यक्त केली आहे.
