दिवाळीपूर्वीच सोने आणि चांदीने महागाईचा मुहूर्त गाठला. सोने 80 हजारांच्या Gold Rate उंबरठ्यावर तर चांदीने काही ठिकाणी लाखांचा टप्पा पार केला. दोन्ही धातुत तेजीचे सत्र सुरू आहे. बड्या गुंतवणूकदारांनी या मौल्यवान धातुकडे मोर्चा वळवला आहे. जागतिक घडामोडींमुळे किंमती दिवसागणिक वाढत आहेत. आता काय आहे भाव?
Jamkhed| जामखेडकर कोणाला साथ देणार; भूमिपुत्राला की घराणेशाहीला..!
Gold Rate| दिवाळी पूर्वी सोने खरेदी करा
सोने आणि चांदीचा वारू उधळला आहे. दिवाळीपर्यंत सोने 80 हजारांचा टप्पा ओलांडण्याची शक्यता आहे. तर चांदीने आताच काही ठिकाणी लाखांचा टप्पा ओलांडला आहे. दोन्ही धातुत तेजीचे सत्र सुरू आहे. बड्या गुंतवणूकदारांनी मौल्यवान धातुत गुंतवणूक वाढवली आहे. जागतिक समीकरणं सध्या बदलत आहे.
त्याचा परिणाम किंमती वाढण्यावर दिसून येत आहे. चीनसह पश्चिम आशियातून अचानक सोने आणि चांदीची मागणी वाढली आहे. देशात सध्या दिवाळीची धामधूम आहे, तर तुळशी लग्नानंतर विवाह मुहूर्त सुरू होतील. या सर्वांचा परिणाम मौल्यवान धातुच्या किंमती वाढण्यात होत आहे. आता अशी आहे सोने आणि चांदीची किंमत
Table of Contents
सराफा बाजारात भाव काय?
सराफ बाजारात सोन्याच्या दरात 800 रुपयांची तर चांदीच्या दरात 1 हजार 500 रुपयांची वाढ झाली. सोन्याच्या दराने 80 हजाराचा तर चांदीच्या दराने एक लाख रुपयांचा टप्पा पार केला. सोन्याचे दर जीएसटीसह प्रति तोळा 81 हजार 885रुपयांवर तर चांदीचे दर जीएसटीसह 1 लाख 3 हजार रुपयांवर पोहोचले.
गेल्या सहा दिवसात सोन्याचे भाव Gold Rate तब्बल दीड हजार रुपयांनी महागले. इराण-इस्त्रायल वाद व अन्य आंतरराष्ट्रीय घडामोडींचा परिणाम होऊन सोने-चांदीचे दरात वाढ झाल्याचे सुवर्ण व्यवसायिकांचं म्हणणं आहे.
