ऑस्ट्रेलिया विरुद्धच्या वनडे मालिकेत सूर्यकुमार यादव सपशेल अपयशी ठरला आहे. सलग तीन वेळा त्याला भोपळाही फोडता आला नाही. त्यामुळे त्याच्या कामगिरीवर टीका होऊ लागली आहे. सूर्यकुमार यादवनं टी 20 मध्ये आपल्या फलंदाजीनं सर्वांचं लक्ष वेधून घेतलं आहे. आयसीसी टी 20 क्रमवारीत सूर्यकुमार यादव अव्वल स्थानी आहे. मात्र असं असूनही वनडे आणि कसोटीत सूर्यकुमारच्या फलंदाजीला ग्रहण लागलं आहे असंच म्हणावं लागेल.
विराट कोहलीला एका ‘मिस्ट्री गर्ल’ ने सगळ्यांसमोर केलं किस; व्हिडीओ सोशल मीडियावर प्रचंड व्हायरल !
ऑस्ट्रेलिया विरुद्धच्या तीन सामन्यांच्या वनडे मालिकेतील तीनही सामन्यात त्याला भोपळा फोडता आला नाही. मिचेल स्टार्कनं त्याला दोनदा शून्यावर बाद करत तंबूचा रस्ता दाखवला, तर बुधवारी शेवटच्या सामन्यात सुद्धा त्याला भोपळा फोडता आला नाही. त्यामुळे टी 20 भारी खेळणारा सूर्यकुमार यादव वनडेत सूरच गवसत नसल्याचं दिसत आहे. त्यामुळे आता तो टीकाकाराच्या रडारवर आला आहे.
सूर्यकुमार यादवचा आयसीसी टी-20 क्रमवारीत अव्वल क्रमांक कायम आहे. टी-20 मध्ये शानदार कामगिरी केल्यानंतर सूर्यकुमारला बॉर्डर-गावस्कर चषक कसोटीत खेळण्याची संधी मिळाली. मात्र तो फार काही करू शकला नाही. यानंतर एकदिवसीयमध्येही त्याची बॅट टी-20 सारखी तळपली नाही. दुसरा एबी डीव्हिलियर्स या नावाने ओळखला जाणारा सूर्या एकदिवसीय सामन्यात फ्लॉप होताना दिसतो.
पठाणमधील ‘या’ दृश्याने थिएटरमध्ये लावली असती आग; जे चित्रपटगृहात दाखवले नाही ते OTT वर दिसले…
सूर्यकुमारच्या मागील 10 एकदिवसीय डावांबद्दल बोलायचे झाले तर एकूण 8 वेळा सूर्या दहा धावांच्या वर जाऊ शकला नाही. एकदिवसीय क्रिकेटमध्ये सूर्यकुमार खाते न उघडता बाद होण्याची ही तिसरी वेळ आहे. सूर्या सुद्धा टी-20 मध्ये तीन वेळा शून्यावर बाद झाला आहे. सूर्याने गेल्या 11 एकदिवसीय डावांत 13.66 च्या अत्यंत खराब सरासरीने फक्त 123 धावा केल्या आहेत. ऑस्ट्रेलियाविरुद्ध वनडे मालिकेत दोनदा शून्यावर बाद होणारा सूर्यकुमार यादव हा पाचवा भारतीय फलंदाज ठरला आहे. यापूर्वी राहुल द्रविड (2007), सौरव गांगुली (2007), हरभजन सिंग (2009) आणि युवराज सिंग (2013) दोनदा शून्यावर बाद झाले.
