पुणे जिल्हा प्रतिनिधी:- बबनराव धायतोंडे
महालोकवाणी न्यूज:-
डिकसळ ता.इंदापुर येथील योगेश्वरी विविध कार्यकारी सेवा सहकारी संस्थेचे संचालक मंडळ अपात्र करण्याची मागणी या संस्थेचे सभासद माजी.व्हाईस चेअरमन सोमनाथ चंद्रकांत भादेकर यांनी केली आहे.याबाबत सोमनाथ भादेकर यांनी सहाय्यक निबंधक सहकारी संस्था इंदापूर व जिल्हा उपनिबंधक सहकारी संस्था पुणे ( ग्रामीण) येथे रितसर तक्रार केली आहे.
भादेकर यांच्या तक्रारी अर्जात मौजे डिकसळ तालुका. इंदापूर येथील योगेश्वरी विविध कार्यकारी सेवा सहकारी संस्थेची सन २०२१ -२२ या वर्षाची वार्षिक सर्वसाधारण सभा झाली नसून रितसर वार्षिक सर्वसाधारण सभा घेण्याबाबत आपण संस्थेच्या पंचकमिटीला वारंवार तोंडी मागणी करत असताना देखील पंचकमिटीने वार्षिक सर्वसाधारण सभा घेतली नाही. संस्थेचे सभासद हे संस्थेचे मालक असतात तरीही सभासदांनसमोर चालू वर्षाचा लेखापरीक्षण अहवाल, ताळेबंद न ठेवता बेकायदेशीरपणे लाभांश वाटप केला आहे.
या कारणामुळे महाराष्ट्र सहकारी अधिनियम कायद्यानुसार संचालक मंडळ बरखास्त करण्याची मागणी सोमनाथ भादेकर यांनी केली आहे.
याबाबत संस्थेचे चेअरमन कैलास कुंभार यांच्याशी संपर्क साधला असता त्यांनी सांगितले कि,सभासदांना लाभांश वाटप करण्याचा विषय मासिक सभेत घेतला होता सर्व संचालकांनी मान्यता दिल्यानंतरच लाभांश वाटप करण्यात आला.तसेच दरम्यानच्या काळात डिकसळ ग्रामपंचायतची पंचवार्षिक निवडणूकीचा कार्यक्रम जाहीर होण्याची शक्यता असल्याने आचारसंहिता लागेल म्हणून वार्षिक सर्वसाधारण सभा घेण्यास विलंब झाला. तसेच .संस्थेचे सचिव श्रीयुत जगताप .यांना संपर्क केला असता ते म्हणाले माझ्या मुलीचे लग्न असल्याने मी लग्नाच्या कार्यात व्यस्त होतो त्यामुळे मला वार्षिक सर्वसाधारण सभा घेता आले नाही.
म्हणून मी सहाय्यक निबंधक इंदापूर यांच्या कडे मुदत वाढीचा अर्ज केलेला आहे .याबाबत साहाय्यक निबंधक इंदापूर यांच्याशी संपर्क साधला असता ते म्हणाले योगेश्वरी सहकारी संस्थेला आम्ही रितसर खुलासा मागितला आहे खुलासा आल्यानंतर त्यांना वाजवी मुदत दिली जाईल व सबळ पुरावा व तक्रारदाराच्या तक्रारीत तथ्य आढळल्यास संचालक मंडळावरती कारवाई होऊ शकते व सचिवांना पाच हजार रुपये दंड होण्याची सहकार कायद्यात तरतुद आहे ..त्यानूसार योग्य ती कारवाई केली जाईल असे ते म्हणाले…
