पुणे : परराज्यातून आलेल्या वेश्या व्यवसाय करणाऱ्या एका महिलेने तिच्या मित्रासोबत आत्महत्या केल्याची धक्कादायक घटना घडली आहे. १५ दिवसांपूर्वी कात्रज परिसरात त्या दोघांनी भाड्याने रूम घेतली होती. मात्र, रविवारी संध्याकाळी घरातून कोणताही आवाज, हालचाल दिसली नाही म्हणून स्थानिकांनी पाहिलं तर दोघांनी आत्महत्या केल्याचा प्रकार उघडकीस आला.
भारती विद्यापीठ पोलिसांना याबाबत माहिती दिल्यानंतर घटनास्थळी पोलिसांनी भेट दिली. बरखा मंडल (वय ३२, सध्या रा. सीताश्री निवास, कात्रज बसस्टॉपमागे, संतोषनगर), राजू फारुख शेख अशी आत्महत्या करणाऱ्यांची नावे आहेत.
पोलिसांनी दिलेल्या माहितीनुसार, राजू शेख याची बहीण बुधवार पेठेत वेश्या व्यवसाय करायची. तिथेच बरखा ही वेश्या व्यवसायचं काम करत होती. राजूच्या बहिणीने राजू आणि बरखाची ओळख करून दिली होती. बरखा आणि राजू मूळचे पश्चिम बंगालमधील होते. १५ दिवसांपूर्वी दोघेजण कात्रज भागात राहायला आले होते. संतोष नगरमध्ये त्यांनी भाडे तत्वावर खोली घेतली होती. रविवारी (२५ डिसेंबर) सायंकाळी बरखा आणि राजूने गळफास घेऊन आत्महत्या केली.
पडळकरांचा मोठा खुलासा; बारामतीच्या बैठकीत ठरल्या होत्या ‘या’ गोष्टी !
रहिवाशांच्या हा प्रकार लक्षात आल्यानंतर त्यांनी पोलिसांना या घटनेची माहिती दिली. भारती विद्यापीठ पोलिसांनी घटनास्थळी धाव घेत घटनास्थळाची पाहणी केली. आत्महत्यामागचे कारण अद्याप समजू शकलेलं नाही. पोलिसांनी मृतदेह वैद्यकीय तपासणीसाठी ससून रुग्णालयात पाठवले आहेत. या प्रकरणी रात्री उशीरापर्यंत भारती विद्यापीठ पोलीस ठाण्यात आकस्मिक मृत्यूची नोंद करण्यात आली.
