अहिल्यानगर (प्रतिनिधी):-शहरातील तपोवन रस्त्यावर एका तरुणावर रात्रीच्या सुमारास आरोपींनी गोळीबार केला होता. गोळीबार केल्यापासून हे आरोपी फरार होते.स्थानिक गुन्हे शाखेच्या पथकाने या दोघांना पुणे येथून जेरबंद केले आहे.सदर घटनेबाबत तोफखाना पोलीस ठाणे येथे गु.र.नं. 593/2025 बी. एन. एस. 2023 चे कलम 109(1), 115(2), 352, 189 (2) (4), 191 (2)(3), सह आर्म ऍ़क्ट कलम 3/25, 27 प्रमाणे गुन्हा दाखल आहे.या गुन्ह्यातील 3 आरोपींना तोफखाना पोलिसांनी अटक केलेली होती.
Rahul sangle| तपोवन रोड परिसरात बंदुकीतून फायर करणारे ; राहूल सांगळे
परंतु या गुन्ह्यातील मुख्य सुत्रधार गुन्हा घडल्यानंतर पळुन गेलेले होते.या बाबत वरिष्ठ पोलीस अधिकाऱ्यांनी स्थानिक गुन्हे शाखेच्या पथकास सदर गुन्ह्यातील आरोपी अटक करणेबाबत आदेश दिले होते. त्यानुषंगाने स्थानिक गुन्हे शाखेचे पोनि/श्री.दिनेश आहेर यांनी स्थानिक गुन्हे शाखा व तपास पथकातील अंमलदार यांचे पथक तयार करुन गुन्ह्यातील आरोपीचा शोध घेणेकामी पथकास रवाना केलेले होते.दि. 15 जून 2025 रोजी पथक गोपनिय माहितीचे आधारे आरोपींचा शोध घेत असतांना आरोपी नामे भिमराज आव्हाड व राहुल सांगळे हे (केसनंद,ता. जि.पुणे) या ठिकाणी येणार असल्याची माहिती मिळाली. पथकाने पुणे या ठिकाणी जावुन तांत्रिक विश्लेषणाचे आधारे आरोपींचा शोध घेत असतांना ते मिळून आल्याने त्यांना ताब्यात घेण्यात आले आहे.
Table of Contents
आरोपी नामे भिमराज गेणुजी आव्हाड याच्या विरुध्द यापुर्वी मोक्का कायद्यान्वये गुन्हा दाखल असुन तो सदर गुन्ह्यातुन जामीनावर आहे.तसेच आरोपी नामे राहुल विजय सांगळे Rahul sangle याचे विरुध्द दंगा,मारहाणीचे 2 गुन्हे दाखल आहेत.ताब्यातील आरोपीतांना गुन्ह्याचे पुढील तपासकामी तोफखाना पोलीस स्टेशन येथे हजर करण्यात आले असुन पुढील तपास तोफखाना पोलीस स्टेशन हे करीत आहेत.
सदरची कारवाई श्री.सोमनाथ घार्गे पोलीस अधीक्षक अहिल्यानगर,श्री.प्रशांत खैरे अपर पोलीस अधीक्षक,श्री. अमोल भारतीे उपविभागीय पोलीस अधिकारी नगर शहर उपविभाग यांचे सुचना व मार्गदर्शनाखाली स्थानिक गुन्हे शाखेचे पोउपनि/राजेंद्र वाघ, पोलीस अंमलदार संदीप पवार, अतुल लोटके,अशोक लिपणे, संदीप दरंदले,विशाल तनपुरे, फुरकान शेख,प्रशांत राठोड, उमाकांत गावडे यांनी केलेली आहे.
