कॅनबेरा : क्रिकेट विश्वात दररोज विविध रेकॉर्ड होत असतात. क्रिकेटमध्ये कधी काय होईल, सांगता येत नाही, त्यामुळेच क्रिकेटला अनिश्चिततेचा खेळ असंही म्हटलं जातं. ऑस्ट्रेलियात बिग बॅश टी 20 क्रिकेट लीग सुरु आहे. या स्पर्धेत ऑस्ट्रेलियाचा माजी कर्णधार स्टीव्ह स्मिथने वादळी खेळी केली. स्मिथने होबार्ट हरिकेंस विरुद्धच्या सामन्यात अवघ्या 22 बॉलमध्ये अर्धशतक ठोकलं. मात्र या अर्धशतकादरम्यान स्मिथने चमत्कार केला. स्मिथने एका बॉलमध्ये तब्बल 16 धावा केल्या. स्मिथने या सामन्यात एकूण 33 बॉलमध्ये 66 धावा केल्या.
केएल राहुल आणि अथिया शेट्टी यांचा लग्नसोहळा राॅयल पध्दतीने पार पडला; पहा लग्नातील काही खास क्षण…
1 बॉल 16 रन्स
स्मिथने सामन्यातील दुसऱ्याच ओव्हरमध्ये हा कारनामा केला. जोएल पेरिस बॉलिग टाकत होता. पेरिसने आपल्या कोट्यातील पहिल्या ओव्हरमधील तिसरा बॉलवर नो बॉल टाकला. या बॉलवर स्मिथने स्केवअर लेगच्या दिशेने सिक्स ठोकला. नो बॉल असल्याने स्मिथला फ्री हीट मिळाला. म्हणजे 7 धावा जमा झाल्या.
यानंतर पेरिस पुढील बॉलवर दिशा भटकला. पेरिसने लेग साईडला वाईड बॉल टाकला जो विकेटकीपही पकडू शकला नाही. त्यामुळे फुकटात 5 धावा मिळाल्या. अशा पद्धतीने 12 धावा झाल्या. तसेच वाईड बॉल असल्याने पुढील बॉलही फ्री हीट होता. या बॉलवर स्मिथने लेग साईडला चौकार ठोकला. अशा पद्धतीने 1 बॉलमध्ये सिडनी सिक्सर्सला 16 धावा मिळाल्या. या 16 पैकी 10 धावा या स्मिथच्या खात्यात जोडल्या गेल्या.
शुभमन गिल को मिला बहुत ‘सारा’ प्यार; शुभमनची गर्लफ्रेंड कोण ?, सारा खान की सारा तेंडुलकर..
स्टीव्ह स्मिथची फटकेबाजी
स्मिथने एकूण 66 धावांची खेळी केली. यात 4 चौकार आणि 6 षटकारांचा समावेश होता. या दरम्यान स्मिथचा स्ट्राईक रेट हा 200 इतका होता. स्मिथ या खेळीसह बिग बॅश लीगच्या सुरु हंगामात सर्वाधिक सिक्स ठोकणारा पहिला फलंदाज ठरला.
