जामखेड : जामखेड तालुक्यातील मौजे पाडळी या ठिकाणी सलग सातव्या वर्षी अखंड हरिनाम नामजप सप्ताह मोठ्या उत्साहात पार पडला. ह.भ.प. कैलास (काका) भोरे महाराज यांच्या मार्गदर्शनाखाली पाडळी येथे “राम कृष्ण हरी” या जपाचा सात दिवस नामजप सप्ताह आयोजित केला जातो. यावर्षीही मोठ्या उत्साहामध्ये या सप्ताहाचे आयोजन करण्यात आले होते. याचा काल सांगता सोहळा मोठ्या उत्साहात पार पडला.
या सोहळ्यामध्ये काल सकाळी गावातून पताका टाळ मृदुंग अशी पारंपारिक दिंडी काढण्यात आली. त्यानंतर ह.भ.प.कैलास महाराज भोरे यांचे काल्याचे किर्तन होऊन महाप्रसादाचे वाटप करण्यात आले. या सप्ताहासाठी गावातील तसेच तालुक्यातील हरिभक्त हजारोंच्या संख्येने उपस्थित होते. त्याचप्रमाणे ह.भ.प.नाना महाराज यांचीही या ठिकाणी उपस्थिती लाभली.
|
तसेच आमदार रोहित दादा पवार यांच्या मातोश्री सुनंदाताई पवार यांनीही या सप्ताहास भेट देऊन आशीर्वाद घेतले. कीर्तनकार प्रवचनकार यांच्या येणाऱ्या मोठ्या खर्चास फाटा देत पाडळी गावाने ह.भ.प. कैलास (काका) भोरे महाराज यांच्या मार्गदर्शनाखाली हरिनामाचा एक उत्तम पर्याय शोधून काढलेला आहे. पाडळीच नव्हे तर तालुक्यातील सर्व लोकांचा मोठ्या प्रमाणामध्ये प्रतिसाद भेटत आहे. दरम्यान तालुक्यातील नंबर एकचा अखंड हरिनाम सप्ताह ठरत आहे. अशी माहिती दै.महालोकवाणीशी बोलताना पाडळीचे युवा नेते प्रा.सुधीर दादासाहेब पवार यांनी दिली.
हा सप्ताह यशस्वी करण्यासाठी पाडळीतील सर्व अबाल वृद्धांनी अपार कष्ट घेतले
यामध्ये भास्कर शामराव खैरे साहेब, उपसरपंच प्रकाश कल्याण पवार, शिवाजी काका नामदेव पवार, महादेव खैरे साहेब, महादेव विठ्ठल पवार, बापूराव खैरे, बापूराव पवार, बाळासाहेब लांडगे, पंडित साहेबराव पवार, उद्धव पवार, संकेत खैरे, बाळासाहेब खैरे, शहाजी महाराज साळवे, सुरेश खैरे, पंडित दळवी, नामदेव लांडगे, माधव पवार,आयुष पवार, महादेव पवार, शिवाजी दादासाहेब पवार, विजय पवार, सुरेश पवार, अनिल खैरे, फुलचंद पवार, शेषराव पवार, गौतम शिंदे, संजय पवार, वैभव बुवासहेब पवार, अशोक खैरे, सुखदेव पवार, बुवासाहेब दहिकर, विठ्ठल लांडगे, संजय दळवी, गणेश ढोले, बिभीषण शिंदे, महादेव पवार मेजर, दत्तात्रय खैरे महाराज, प्रवीण खैरे, किरण पाटील, सागर पवार, आकाश पवार, शिवानंद काळे, सखाराम पवार, रावसाहेब पवार, नामदेव पवार, नंदू खैरे, अक्षय पवार, गोपाळ पवार, अभिजित पवार, धनंजय पवार, गणेश दहीकर, बापूराव पवार साहेब, बाळू पठाडे, नागराज खैरे, जयदीप पवार, लक्ष्मण दळवी, समाधान लांडगे, सुखदेव वाघमारे, हिरामण पवार, यासीन शेख, नागेश पवार आणि सचिन वाघमारे यांच्यासह सर्व पाडळीच्या ग्रामस्थांचे सहकार्य लाभले.
