महालोकवाणी न्यूज:-
पुणे जिल्हा प्रतिनिधी: बबनराव धायतोंडे
पुणे जिल्ह्यात एक खळबळजनक अशी घटना दौंड daund तालुक्यात समोर आलेली असून दौंड तालुक्याच्या पारगाव येथे गुरुवारी मध्यरात्रीच्या सुमारास पती-पत्नीने गळफास घेऊन आत्महत्या केली आहे. पारगाव येथील भीमा नदी पात्रात सात जणांचे मृतदेह आढळून आल्याचा प्रकार काही दिवसांपूर्वी उघडकीला आलेला होता त्यानंतर पुन्हा एकदा परिसरात आत्महत्येचा प्रकार समोर आल्याने खळबळ उडाली आहे.
उपलब्ध माहितीनुसार, विकास उर्फ भालचंद्र पोपट जगताप ( वय 42 ) आणि त्यांच्या पत्नी संगीता उर्फ राजश्री विकास जगताप ( वय 35 ) अशी पती-पत्नीची नावे असून त्यांनी त्यांच्या राहत्या घरात वेगवेगळ्या खोल्यांमध्ये गळफास घेऊन आत्महत्या केली आहे. दहा तारखेला मुलगा सकाळी उठला त्यावेळी त्याने आई वडील अजून का उठले नाही म्हणून दरवाजा ठोठावला मात्र आतून कुठलाही प्रतिसाद आला नाही त्यानंतर प्रकरण Daund police पोलिसात गेल्यानंतर दरवाजा तोडला त्यावेळी दोघांनीही गळफास घेतल्याचे लक्षात आले. दोन्ही पती-पत्नींची अत्यंत मनमिळावू स्वभावाचे म्हणून ओळख होती. त्यांच्या आत्महत्येचे कारण अद्यापपर्यंत समोर आलेले नाही
