सिल्लोड ( प्रतिनिधी ) दि.20, सिल्लोड तालुक्यात झालेल्या ग्रामपंचायत निवडणुकीत 18 पैकी 13 ग्रामपंचायतीवर शिवसेनेच्या शिंदे गटाने निर्विवाद वर्चस्व प्रस्थापित केले आहे. तसेच निल्लोड येथील 11 पैकी शिंदे गटाचे 7 उमेदवार निवडणूक आल्याने येथे शिंदे गटाचा उपसरपंच पदासाठी मार्ग मोकळा झाला आहे. एकूण 147 ग्राम पंचायत सदस्य पैकी शिंदे गटाच्या जवळपास 110 ग्राम पंचायत सदस्यांचा दणदणीत विजय झाला.
ग्राम पंचायत निवडणूकीचा निकाल जाहीर होताच कृषिमंत्री अब्दुल सत्तार यांच्या कार्यालयासमोर फटाक्यांची आतषबाजी, ढोल ताशे वाजवीत एकमेकांना पेढा भरवून जल्लोष साजरा करण्यात आला. यावेळी युवानेते तथा उपनगराध्यक्ष अब्दुल समीर यांच्याहस्ते नवनिर्वाचित सरपंच व सदस्यांचा सत्कार करण्यात आला. यावेळी उपनगराध्यक्ष अब्दुल समीर यांनी नवनिर्वाचित सरपंच, सदस्यांना शुभेच्छा दिल्या. तसेच शिंदे गटाच्या घवघवीत यशाबद्दल मतदार बांधवांचे आभार मानले.
याप्रसंगी जिल्हा बँकेचे उपाध्यक्ष अर्जुन पा.गाढे , माजी जि.प. उपाध्यक्ष केशवराव पा. तायडे, बाळासाहेबांची शिवसेनेचे उपजिल्हाप्रमुख किशोर अग्रवाल, महिला आघाडीच्या दुर्गाबाई पवार, नॅशनल सुत गिरणीचे संचालक राजेंद्र ठोंबरे, पांडुरंग दुधे, नगरसेवक विठ्ठल सपकाळ, शेख सलीम हुसेन, शंकरराव खांडवे, आसिफ बागवान, शेख बबलू, सतीश ताठे, धैर्यशील तायडे, संजय मुरकुटे आदी पदाधिकाऱ्यांसह कार्यकर्त्यांची मोठ्या संख्येने उपस्थिती होती.
शिंदे गटाच्या 18 पैकी 13 ग्रामपंचायतीवर निवडून आलेल्या ग्राम पंचायती व नवनिर्वाचित सरपंच खालील प्रमाणे !
कासोद धामणी :- दत्तात्रेय काशीनाथ राकडे (शिंदे गट) बोरगाव बाजार :-सत्तार बागवान (शिंदे गट ) सारोळा :- मोहन गायकवाड (शिंदे गट ) जाभंई:- लक्ष्मीबाई नारायण शिंदे (शिंदे गट) रेलगाव :-पंकज जैस्वाल (शिंदे गट) खुल्लोड :- स्वाती भागवान भोरकडे (शिंदे गट) जळकी बाजार :- ज्ञानेश्वर मधुकर दांडगे (शिंदे गट) मोढा खुर्द :- लक्ष्मण सखाराम कल्याणकर (शिंदेगट) , पिंपळगाव पेठ:- दिलीप जाधव (शिंदे गट), पिंपळदरी:-पूजा माहोर (शिंदे गट), चारनेर/चारनेर वाडी:-रवींद्र बिलवाल, (शिंदे गट) शिंदेंफळ:- रेखाबाई अक्कलकर (शिंदे गट) , मोढा बु:- वर्षा हावळे (शिंदे गट)
