जामखेड प्रतिनिधी: धनराज पवार
आज दिनांक 27/6/2023 रोजी सायंकाळी जामखेड शहरात जामखेड पोलीसांच्या वतीने आषाढी एकादशी व बकरी ईद अनुषंगाने शहरात रूट मार्च काढण्यात आला मार्च घेण्यात आला.
हा रूट मार्च जामखेड पोलीस स्टेशन येथून सुरुवात होऊन बीड कॉर्नर-जयहिंद चौक-काझी गल्ली-सय्यदनगर-खर्डा रोड- तपनेश्वर रोड-नुराणी कॉलनी-खाडे नगर-बस स्थानक-मेन रोड-खर्डा चौक असा संपला.
हे पण वाचा Panjanrao Dakh |पंजाबराव डख एक शेतकरी ते हवामान तज्ञ; जाणून घ्या मेघराजाचा अचूक अंदाज दर्शविणाऱ्या पंजाबराव डख यांची कहाणी..
आषाढी एकादशी व बकरी ईद हि एकाच दिवशी आल्याने त्या अनुषंगाने शहरात शांतता प्रस्थापित करण्यासाठी रूट मार्च काढण्यात आला, जामखेड मधील मुस्लिम धर्मियांनी आषाढी एकादशी दिवशी बकरी ईद साजरी न करता, दुसऱ्या दिवशी साजरी करणार आहेत असे सर्वधर्मियांच्या वतीने ठरवले आहे
यावेळी बोलतांना जामखेड पोलीस स्टेशन पोलीस निरीक्षक महेश पाटील म्हणाले की , जामखेडमधील जनता ही सवेंदनशील आहे, सर्व धर्म गुण्या गोविंदाने वागत आहे, सर्वजण पोलीस प्रशासनाला मदत करत आहे, हे दोन्ही सण शांततेत साजरे करावेत व इथून पुढील काळातहि शहरात शांतता अबाधित ठेवावी असे आवाहन कऱण्यात आले.
या रूट मार्चला 1 अधिकारी 25 पोलीस अंमलदार, 4 होमगार्ड हजर होते. रूट मार्च शांततेत संपला आहे.
