मुंबई : टेलिव्हिजन अभिनेत्री तुनिषा शर्मानं मालिकेच्या सेटवर गळफास घेत आपलं आयुष्य संपवलं. तुनिषा अनेक दिवसांपासून डिप्रेशनमध्ये होती आणि त्यातून तिनं आत्महत्या केली. तुनिषाच्या आत्महत्येनंतर तिचा बॉयफ्रेंड शिझान खान याला पोलिसांनी अटक केली आहे. तुनिषाच्या आत्महत्येच्या 15 दिवस आधी दोघांचा ब्रेकअप झाला होता. ब्रेकअपमुळे तुनिषा प्रचंड खचली होती आणि त्यामुळे आत्महत्येचा मोठा निर्णय घेतला, असा आरोप तिच्या आईनं केला. तुनिषाच्या बॉयफ्रेंडला अटक केल्यानंतर चौकशी दरम्यान शिझाननं मोठा खुलासा केला आहे. दोघांच्या ब्रेकअपचं धक्कादायक कारण त्यानं सांगितलं आहे.
तुनिषाचा बॉयफ्रेंड शिझान यानं पोलिसांना सांगितलेल्या माहितीनुसार, ‘दिल्लीत झालेल्या श्रद्धा वालकर हत्या प्रकरणामुळे मी अस्वस्थ झालो होतो. त्यानंतर मी तुनिषाबरोबर ब्रेकअप करण्याचा निर्णय घेतला. आपलं एकमेकांवर प्रेम असलं तर आपल्यात धर्म आड येणार हे मी तुनिषाला सांगितलं होतं आणि त्यानंतर तिच्याबरोबर ब्रेकअप केला. तसंच मी तिला हेही सांगितलं होतं की, आपल्यात वयाचं अंतरही खूप. ही दोन्ही कारण सांगून मी तिच्याबरोबर ब्रेकअप केला होता’.
वेश्या व्यवसाय करणाऱ्या महिलेनं मित्रासोबत संपवलं आयुष्य; पुण्यातील खळबळजनक घटना!
‘त्याचप्रमाणे तुनिषानं ब्रेकअपनंतरही काही दिवसांपूर्वी आत्महत्येचा प्रयत्न केला होता तेव्हा मी तिला वाचवलं होतं. मी तिच्या आईला भेटलो होतो. तुमच्या मुलीवर लक्ष ठेवा आणि तिची काळजी घ्या असंही मी त्यांना सांगितलं होतं’,असं शिझाननं सांगितलं.
