जामखेड प्रतिनिधी: धनराज पवार
डीजे मुळे परंपरागत बॅंन्जो पार्ट्या व बँड बंद होण्याच्या मार्गावर – किशोर सदाफुले
जामखेड शहर व तालुक्यातील डीजे बंद करण्यासाठी बँजो पार्टी बँड चालक ,मालक, व यामध्ये काम करणारे कलाकार यांच्यामार्फत जामखेड तहसील कार्यालय व पोलीस स्टेशन येथे निवेदन देण्यात आले,
माननीय उच्च न्यायालयाने डीजेला बंदी घातल्यानंतर जामखेड शहरात व तालुक्यात डीजे सर्रासपणे चालू आहे, पण यावर प्रशासनाची कुठलीही कार्यवाही नाही डीजे मुळे परंपरागत बॅन्जोपार्ट्या व बँड बंद होण्याच्या मार्गावर आहे.
अनेक कलाकारांचे मिळून बँड व बॅन्जो पार्टी असतात ज्यामध्ये सुमारे 15 ते 20 कारागीर असतात, डीजे मुळे या सर्व कामगारावर उपासमारीची वेळ आली आहे, डीजेच्या मोठ्या आवाजामुळे प्रदूषण खराब होण्याची शक्यता आहे व त्यामध्ये सहभागी असणाऱ्या नागरिकांच्या जीवितास धोका निर्माण होण्याची शक्यता असते, प्रशासनाने माननीय उच्च न्यायालयाच्या आदेशाची अंमलबजावणी करत डीजे वर पूर्ण बंदी आणावी अशी आम्हा सर्वांचे विनंती आहे.
जामखेड शहरातील मिलिंद नगर भागातील नागरिकांचे आरोग्य धोक्यात; जामखेड नगर परिषदेचा भोंगळ कारभार.!
बापूसाहेब गायकवाड म्हणाले की, पारंपारिक पद्धतीने वाद्य वाजवून आपली उपजीविका भागवणाऱ्या कलाकारांवर डिजे मुळे उपासमारीची वेळ आली आहे. प्रशासनाने या बॅन्जो / बैंड जेष्ठ कलाकारांना शासकीय मानधन देण्यात यावे.
गायक, वादक व इतर कलाकार मंडळींवर उपासमारीची वेळ आली आहे. विविध धार्मिक, सांस्कृतिक, लग्न समारंभ, यात्रा, जत्रा व उत्सवात मोठ्या उत्साहाने मनोरंजन करणारा कलाकार हतबल झाला आहे ,आम्ही कलावंतांनी कोणता गुन्हा केला,पोटाची खळगी भरायची कशी, हा गंभीर प्रश्न निर्माण झाला आहे.सरकारने आमच्या भावनांचा व मागण्यांचा सहानुभूतिपूर्वक विचार करावा, अशी मागणी बाबासाहेब जाधव यांनी केली.
यावेळी सामाजिक कार्यकर्ते बापूसाहेब गायकवाड , बँड मालक किशोर सदाफुले, सुनील नवगिरे, गणेश घायतडक, बाबा जाधव, शिवाजी पगारे ,किरण मोरे, काशिनाथ सदाफुले, सचिन पैठण पगार, अक्षय सदाफुले, नितीन कुमार सदाफुले, किशोर जावळे, शिवाजी जावळे, दादा साळवे, गणेश रंधवे, युवराज गायकवाड, भाऊसाहेब सदाफुले आदी कलाकार मोठ्या संख्येने उपस्थित होते
