जामखेड प्रतिनिधी: धनराज पवार
जामखेड -श्रीगोंदा महामार्ग कामामुळे किती बळी..?
रामेश्वर (सौताडा, ता. (पाटोदा, जि. बीड) येथे देवदर्शन घेऊन ढवळगाव (ता. श्रीगोंदा) येथे जाण्यासाठी निघालेल्या युवकाचा जामखेड-कर्जत रस्त्यावरील केजीएन फर्निचरसमोर (जाधव वस्ती) डंपर-दुचाकी अपघातात मृत्यू झाला. ही घटना सोमवारी (दि. १७) सायंकाळी साडेपाचच्या सुमारास घडली. सचिन सुखदेव गव्हाणे (वय २२, रा. ढवळगाव, ता. श्रीगोंदा) असे मृत्यू झालेल्या युवकाचे नाव आहे. शुभम संजय भांबरे (रा. शिरसगाव बोडखा, ता. श्रीगोंदा) याने याबाबत जामखेड पोलिसांत खबर दिली.
सोमवारी सकाळी दहाच्या सुमारास सचिन गव्हाणे, त्याची पत्नी मोनिका, विशाल गव्हाणे, शुभम भांबरे हे सर्वजण सौताडा येथे देवदर्शनासाठी दुचाकीवरून गेले होते. देवदर्शन झाल्यावर सौताडा येथून जामखेड मार्गे – ढवळगावला घरी निघाले होते. सचिन गव्हाणे व विशाल गव्हाणे दोघे एका दुचाकीवर होते. सायंकाळी साडेपाच च्या सुमारास त्यांचा दुचाकीची व डंपरची धडक झाली.
Table of Contents
सदर घटनेची माहिती मिळताच सामाजिक कार्यकर्ते संजय कोठारी यांनी ॲम्ब्युलन्स मधून अपघाती पेशंट ला ग्रामीण रुग्णालयात नागरिकांच्या मदतीने दाखल केले.
यामध्ये सचिन सुखदेव गव्हाणे याचा डंपरखाली सापडून मृत्यू झाला, असे फिर्यादीत म्हटले आहे. सदर घटनेची जामखेड शहर आणि परिसरात हळहळ व्यक्त होत आहे.
प्रतिक्रिया :- संतोष नवलाखा
आम आदमी पार्टी, कार्यकर्ते
जामखेड -श्रीगोंदा महामार्गाचे रस्त्याचे एक साईट रस्ताचे काही ठिकाणी रखडले कामामुळे होणारा अपघात असुन किती बळी घेणार?अपूर्ण कामामुळे येथून प्रवास करणे जिकीरीचे झाले आहे. त्यामुळे त्याचे काम तातडीने हाती घेण्यात आले नाही तर, तीव्र जनआंदोलन छेडण्याचा इशारा आम आदमी पार्टीचे कार्यकर्ते संतोष नवलाखा दिला आहे.
