सोनई (वार्ताहर) मुळा एज्युकेशनच्या कृषि महाविद्यालय, सोनई संघाने आंतर महाविद्यालय क्रीडा स्पर्धेत भरघोस यश मिळवले. कृषि महाविद्यालय, धुळे या ठिकाणी झालेल्या अविष्कार २०२२ स्पर्धेत महाविद्यालयाचा विद्यार्थी अथर्व दांगट याने दुसरा क्रमांक मिळविला.त्याची सावित्रीबाई फुले पुणे विद्यापीठ, पुणे या ठिकाणी होणाऱ्या आंतर विद्यापीठ अविष्कार स्पर्धेमध्ये महात्मा फुले कृषि विद्यापीठ राहुरी संघामध्ये निवड झाली.त्याला प्रा. सोमनाथ दरंदले यांचे मार्गदर्शन लाभले.
जवाहरलाल नेहरू कृषि विद्यापीठ, जबलपूर (मध्यप्रदेश) याठिकाणी झालेल्या आंतर विद्यापीठ फुटबॉल स्पर्धेत ज्ञानेश्वर गोंडे याने महात्मा फुले कृषि विद्यापीठ, राहुरी संघाचे प्रतिनिधित्व केले. कृषि महाविद्यालय, मिरजगाव येथे झालेल्या आंतर महाविद्यालयीन कुस्ती स्पर्धेत ७९ किलो वजनी गटात सागर कोल्हे याने रजतपदक मिळविले. त्याचीदेखील आंतर विद्यापीठ स्पर्धेसाठी निवड झाली आहे.
त्यांना महाविद्यालयाचे विद्यार्थी कल्याण अधिकारी तथा क्रिडा शिक्षक प्रा.संदिप तांबे यांचे मार्गदर्शन लाभले.या यशाबद्दल मुळा एज्युकेशन सोसायटीचे संस्थापक मा. खा.यशवंतराव गडाख,माजी मंत्री शंकरराव गडाख,संस्थेचे उपाध्यक्ष उदयनदादा गडाख,सचिव उत्तम लोंढे, सहसचिव डॉ.विनायक देशमुख, प्राचार्य डॉ.हरी मोरे,उपप्राचार्य प्रा. सुनिल बोरुडे यांनी खेळाडू व मार्गदर्शकांचे अभिनंदन केले
