Onion Rates : केंद्र सरकारने दोन लाख मेट्रिक टन कांदा (onion) खरेदी करण्याचा निर्णय घेतला आहे. महाराष्ट्रातील कांदा उत्पादकांचे हित जपण्यासाठी नाशिक आणि अहमदनगर येथे विशेष खरेदी केंद्र सुरू करण्यात येतील.
केंद्र सरकार दोन लाख मेट्रिक टन कांदा (Onion) खरेदी करणार
2 हजार 410 प्रतिक्विंटल या दराने कांद्याची खरेदी करण्यात येणार असल्याची माहिती राज्याचे उपमुख्यमंत्री देवेंद्र फडणवीस (DCM Devendra Fadnavis) यांनी दिली. यातून मोठा दिलासा आपल्या राज्यातील कांदा उत्पादकांना मिळेल असेही फडणवीस म्हणाले. महाराष्ट्रातील कांदा उत्पादकांच्या प्रश्नासंदर्भात केंद्रीय गृहमंत्री अमितशाह तसेच केंद्रीय मंत्री पियुष गोयलजी यांच्याशी फडणवीस यांनी जपानमधून दूरध्वनीवर संपर्क केला. त्यानंतर हा निर्णय घेण्यात आल्याची माहिती फडणवीसांनी दिली.
महाराष्ट्रातील कांदा उत्पादकांच्या प्रश्नासाठी आज आमचे नेते केंद्रीय गृहमंत्री मा. अमितभाई शाह तसेच केंद्रीय मंत्री मा. पियुष गोयलजी यांच्याशी जपानमधून दूरध्वनीवर संपर्क केला.
— Devendra Fadnavis (@Dev_Fadnavis) August 22, 2023
केंद्र सरकारने 2 लाख मेट्रिक टन कांदा खरेदी करण्याचा निर्णय घेतला असून महाराष्ट्रातील कांदा उत्पादकांचे…
नाशिकसह अहमदनगरमध्ये खरेदी केंद्र
महाराष्ट्रातील कांदा उत्पादकांच्या प्रश्नासाठी देवेंद्र फडणवीस यांनी अमित शाह तसेच केंद्रीय मंत्री पियुष गोयल यांच्याशी जपानमधून दूरध्वनीवर संपर्क केल्याची माहिती आहे. तर केंद्र सरकारने 2 लाख मेट्रिक टन कांदा खरेदी करण्याचा निर्णय घेतला असून महाराष्ट्रातील कांदा उत्पादकांचे हित जपण्यासाठी नाशिक आणि अहमदनगर येथे विशेष खरेदी केंद्र सुरू करण्यात येतील, अशी घोषणा केली आहे. ₹2410 प्रतिक्विंटल या दराने ही खरेदी करण्यात येईल. या निर्णयामुळे राज्यातील कांदा उत्पादकांना मोठा दिलासा मिळणार आहे.
कांद्यावर (Onion) 40 टक्के निर्यात शुल्क
टोमॅटोच्या वाढलेल्या दरामुळे टिकेला सामोरे जावे लागलेल्या मोदी सरकारने कांद्याबाबत सावध पावलं टाकण्यास सुरुवात केली. यातूनच केंद्र सरकारने कांद्यावर 40 टक्के निर्यात शुल्क तात्काळ लागू केले आहे. हे शुल्क 31 डिसेंबर 2023 पर्यंत लागू राहणार आहे. याबाबत सरकारने अधिसूचना जारी केली आहे. केंद्र सरकारच्या या निर्णयाचा फटका शेतकऱ्यांना बसणार आहे. येत्या काही दिवसांत कांद्याचे दर आणखी खाली येऊ शकतात.
Talathi Bharti 2023 Exam : तलाठी परीक्षेत पुन्हा गोंधळ! राज्यात अनेक जिल्ह्यातचक्क सर्व्हरचं डाऊन
पीयूष गोयल आणि कृषी मंत्री मुंडे भेटण्याच्या आधीच हा प्रश्न सोडवण्यात आला आहे. निर्यात बंदी नव्हती तेंव्हा (4 दिवसांपूर्वी) 2200 रुपयांच्या आसपास दर होता. आता 200 रुपये अतिरिक्त दर वाढवला आहे.
