जामखेड प्रतिनिधी: धनराज पवार
मराठा आरक्षणाच्या मुद्दय़ावर जामखेड येथील तहसील कार्यालया समोर दि ६ ऑक्टोबर २०२३ रोजी दुपारी ३ वाजता मराठा आंदोलक मनोज जरांगे पाटील यांची महासभा होणार आहे.
आज रोजी पोलीस उपअधीक्षक विवेकानंद वाखारे यांनी महासभेच्या ठिकाणी पाहणी केली. यावेळी मराठा क्रांती मोर्चा जामखेड तालुका पदाधिकारी व कार्यकर्ते मोठ्या संख्येने उपस्थित होते.
याबाबत माहिती अशी की, मनोज जरांगे पाटील यांचे जामखेड शहरात दुपारी ३ वाजता आगमन होताच ठीक ठीकाणी जेसीबीच्या माध्यमातून पुष्पवृष्टी करण्यात येणार आसुन प्रत्येक चौकात त्यांचे स्वागत होणार आहे. सभास्थळी आल्यावर छत्रपती शिवाजी महाराजांच्या प्रतिमेचे पूजन करुन जिजाऊ वंदना होईल.
तालुक्यातील लहान मुलींच्या हस्ते मनोज जरांगे पाटील यांचे स्वागत होईल येणाऱ्या सर्व मराठा बांधवांसाठी मोफत पिण्याच्या पाण्याची सोय शहरातील डॉ पन्हाळकर यांच्या तर्फे करण्यात आली आहे. या कार्यक्रमास आपल्या मतदारसंघांतील दोन्ही आमदार व खासदार आमंत्रित करण्यात आले आसले तरी एकही राजकीय भाषण त्या ठिकाणी होणार नाही अशी माहिती मराठा क्रांती मोर्चाच्या वतीने देण्यात आली आहे. दि ६ ऑक्टोबर रोजी मनोज जरांगे यांच्या होणाऱ्या सभेस तालुक्यातील मराठा बांधवांनी मोठ्या संख्येने उपस्थित राहण्याचे आवाहन मराठा क्रांती मोर्चा जामखेडच्या वतीने करण्यात आले आहे.
प्रत्येक मराठा बांधवांनी महासभेसाठी येताना व जाताना सुरक्षित व सावकाश वाहने चालवत यावे आपल्या वाहनामुळे कोणालाही धोका होणार नाही याची काळजी सर्व समाज बांधवांनी घ्यावी अशी विनंती देखील मराठा क्रांती मोर्चाच्या वतीने करण्यात आली आहे.
