सध्या बीटाऊनमध्ये रिलेशनशिप, अफेअरच्या चर्चा जोरदार सुरु आहेत. यात स्टारकिड्सच्या अफेअरच्या चर्चांना उधाण आलंय. अभिनेत्री जान्हवी कपूर याच कारणामुळे सोशल मीडियावर व्हायरल होत आहे. सध्या जान्हवी कपूर एका पार्टीत सहभागी झाली होती. यावेळी ती करण जोहरच्या घरातून निघताना दिसली. मात्र यावेळी ती एकटी नव्हती तर तिच्यासोबत एक व्यक्ती होती.. दोघांना एकत्र पाहून नेटकऱ्यांचे लगेच त्याकडे लक्ष गेले. दरम्यान तिच्यासोबत जी व्यक्ती होते ती दुसरी कोण नसून तिचा कथित बॉयफ्रेंड शिखर पहाडिया आहे.
जान्हवी कपूर एका पार्टीत सहभागी झाली होती. मात्र यावेळी ती एकटी नव्हती तर तिच्यासोबत शिखर पहाडियाही होता. ती त्याच्याशी बोलत होती आणि हसत होती. तेवढ्यात पपाराजींची नजर तिच्यावर पडली. जान्हवी कपूर जगापासून लपून-छपून प्रेम करत असेल, पण ती एक ना एक काहीतरी चूक करतेच जी लोकांना कळते.
जान्हवी कपूरने या पार्टीत तपकिरी रंगाचा ड्रेस परिधान केला होता, सोबतच बेज रंगाचा कोटही घातला होता. शिखर व्हिडिओमध्ये पापाराझींचा मार्ग रोखू नका असं सांगत आहे. अशा परिस्थितीत जान्हवी लाजते. तसं, जान्हवीची प्रतिक्रिया चाहत्यांना आवडली आहे. कमेंट सेक्शनमध्ये कमेंट्सचा वर्षाव करत आहेत. तर काही जण शिखर जान्हवीला टाईमपास बॉयफ्रेंड म्हणत होते.
नुकताच जान्हवी आणि शिखर या कथित कपलचा नवा व्हिडिओ सोशल मीडियावर व्हायरल होतोय. दोघेही एका कारमध्ये असून शिखर गाडी चालवत आहे. जान्हवी कपूर कॅमेऱ्याला बघून लाजताना दिसत आहे. तर दोघेही एकमेकांशी हसत हसत गप्पा मारताना दिसत आहेत. जान्हवीने फुल स्वेटशर्ट घातलेला दिसतोय तर शिखर कॅज्युअल लुकमध्ये दिसत आहे. दोघेही अनिल कपूरची लेक रिया कपूरच्या घरुन निघाले आहेत.
जर आपण नुकतेच पार पडलेले इव्हेंट्सला कनेक्ट केलेतर, रुमर्डच्या जागी शिखर कंफर्ड बॉयफ्रेंड होईल. डिसेंबर 2022 मध्ये दोघेही एका कार्यक्रमात एकत्र दिसले होते. याशिवाय ते मुंबईत राधिका मर्चंट आणि अनंत अंबानी यांच्या एंगेजमेंटलाही पोहोचले होते. शिखर पहारिया हे महाराष्ट्राचे माजी मुख्यमंत्री सुशील कुमार शिंदे यांचे नातू आहेत. दोघंही एकमेकांना डेट करत होते पण आता ते वेगळे झाले आहेत, असे वक्तव्य शिखरने फार पूर्वीच केलं होतं. मात्र आता पुन्हा एकदा त्यांना एकत्र पाहून त्यांच्या चाहत्यांना खूप आनंद झाला आहे.
